Скопската противпожарна бригада моментално има 213 вработени, додека уште 171 недостасуваат за да се исполни законскиот услов за потребниот број пожарникари.
„Недостигот на вработени е хроничен. Сега последната генерација има 20 нови вработени на кои им претстои преквалификација и обука. Потребата од дополнување ќе тече во текот на целата година. Така да, очекувам да дојдеме до некој оптимум за да бидеме ефикасни“, нагласи Ѕвонко Томевски, командант на противпожарна бригада на Град Скопје.
Противпожарната бригада моментално има на располагање 44 противпожарни возила, додека според Томески, иако има недостиг од вработени, пожарникарите се подготвени да интервенираат во секоја вонредна ситуација и дека приоритет останува безбедноста на граѓаните.