Македонија

Надчовечки но засега неуспешни напори за извлекување на телото на бугарскиот нуркач кај Трпејца

Реонот меѓу Трпејца и Љубаништа е меѓу најдлабоките локации во Охридското езеро кое достигнува длабочина до 286 метри

Тимови од Езерската полиција, Црвен крст со нуркачи од нуркачкиот клуб „Амфора“ рано утрово ја продолжија потрагата по 52-годишниот бугарски државјанин кој исчезна вчера при нуркање во водите на Охридското Езеро.

 

Откако вчера поради високи бранови и силен ветер потрагата беше прекината од рано изутрина повторно се бара телото на 52 годишниот бугарски нуркач.

 

Според член на еден од спасувачките тимови се вложуваат надчовечки но засега неуспешни напори за вадење на телото на бугарскиот нуркач кој се удави вчера кај Трпејца.

Главен проблем за спасувачите е длабочината на водата се денеска во овој реон има и голем број на туристички приватни чамци кои возат во близина на местото каде вчера потонал Бугаринот.

 

Екипи на Езерската полиција, Црвениот крст и нуркачи пребаруваат поширок терен кај Трпејца каде се случил настанот, изјавил за Охридњуз портпаролот на СВР Охрид Стефан Димоски.

 

 

Случајот бил пријавен во полицијата вчера во 13.15 часот. Според пријавата И.Т.(52) од Република Бугарија, исчезнал при нуркање на длабочина од 89 метри во водите на Охридското Езеро, над селото Трпејца.

 

Неофицијално, тој бил заедно со уште едно лице со кое вршеле длабинско нуркање и на себе имал тешка опрема.

 

Реонот меѓу Трпејца и Љубаништа е меѓу најдлабоките локации во Охридското езеро кое достигнува длабочина до 286 метри.

 

Оваа најголема длабочина е измерена токму на потегот меѓу Трпејца и Пештани.

 

Фото: Архива

Најнови вести од: Македонија

Пожар на 10 метри од детска градинка, двајца полицајци повредени

Двајца полицајци се хоспитализирани на Клиниката за токсикологија поради вдишување на јаглерод моноксид додека го гаснеле пожарот што избувна денеска попладне во близина на новоизградената детска градинка, сместена во дворот на основното училиште „Св. Климент Охридски“ во Бутел.

(Фото): Хаос на „Евзони“ – граѓани со часови чекаат за излез од Грција

Огромни кологи и долги саати чекање на граничниот премин „Евзони“ пријавуваат македонски граѓани. Од голема гужва пред границата стојат веќе три до четири часа, а притоа немаат информации за прекини во работата на границата, ниту пак за штрајкови. 

Паѓаа дрва, се откорнаа покриви од згради – невреме ја зафати Македонија

Скопскиот регион, но и делови од Македонија, попладнево беша погодени од силно невреме проследено со ветер и дожд, по што речиси истовремено избија повеќе пожари на отворен простор, видливи од голем дел од градот и предизвикувајќи вознемиреност кај граѓаните.

To top