Македонија

„Навистина разочарувачки“: Градоначалникот на Мелбурн за бојкотот од Македонците на парадата „Мумба“

Николас Рис се надевал дека „древните караници за знамиња и други работи“ ќе можеле да се остават дома

Николас Рис, градоначалник на Мелбурн, изрази разочараност што македонската заедница ја бојкотираше парадата „Мумба“ поради забраната за употреба на знамиња со Сонцето од Кутлеш.

„Тоа е навистина разочарувачки“, го цитира Рис австралиската телевизија Еј-Би-Си њуз. „Мислев дека ќе се најдеме таму и со нетрпение очекував да ги видам на парадата. Мислам, ‘Мумба’ е ден за забава. Тоа е време за семејна забава. Древните караници за знамиња и други работи навистина се надевам дека ќе можеме да ги оставиме дома и едноставно да излеземе и да уживаме во денот“.

Паралелно со образложението за бојкотот од Сојузот на македонските културно-ументички друштва од Викторија (ФОМКУД), Македонци од Австралија ги затрупаа социјалните мрежи со опис на Рис како продолжена рака на грчката заедница во Мелбурн.

Женет е со Гркинката Фелисити Пантелидис („Мојата прекрасна сопруга Фелисити е Гркинка, а моите деца растат како австралиски Грци, го учат грчкиот јазик и се сметаме себеси за дел од заедницата“), се потпиша како „Никос Рис“ на писмото до претседателот на Грчката заедница на Мелбурн, Бил Папастергијадис, неодамна ја повика британската влада да ѝ ги врати на Грција скулптурите од Партенон, на приемот за грчкиот амбасадор вети дека за време на својот мандат ќе предводи најголема делегација што тој град некогаш видел итн. се дел од аргументите изложени во објавата на Фејсбук-групата Macedonian Australian Pride.

Најнови вести од: Македонија

Мицкоски најави поевтини станови за брачни двојки помлади од 35 години

Без разлика во кој град и без разлика на кое место во Македонија, ниту една градежна компанија не може да добие дозвола за градба ако не оддели минимум 10 проценти станбена површина за брачни парови до 35 години, по цена која што ќе биде најмалку 20 проценти пониска од пазарната цена, најави премиерот Мицкоски.

Не се укинува вториот пензиски столб – законската одредба за 6%, се префрла во друг закон, рече министерот Велковски

Дали со предлогот за  бришење на членот 120, односно на одредбата за уплата на 6% во вториот пензиски столб власта ги доведува во ризик пензиските заштеди на повеќе од 650.000 граѓани кои се негови членови?!

Во Битола се одржа литија низ Широк Сокак со чудотворната икона на Пресвета Богородица Утешителка Паљурска

По Светата Литургија, чудотворната икона на Пресвета Богородица Утешителка Паљурска беше изнесена во свечена литија низ Широк Сокак, во која се вклучија свештениците, монашките заедници и бројните ходочесници. Со литијата заврши централниот дел од ходочестието во Битола.

Најнови вести

To top