„Во последните часови се појавија неточни информации дека Зимзоленд ќе биде затворен. Ве информираме дека ова не е точно. Иако во претходните денови имаше инспекциски надзори, целосната и потребна документација е доставена до надлежните служби.
Нашата мисија останува иста – да создадеме магични моменти, радост и новогодишна атмосфера за сите деца и семејства“,соопштија од Забавниот парк.
Од таму додаваат дека работното време останува непроменето: во работни денови од 12:00 часот, а за време на викендите од 10:00 часот.
Претходно градоначалникот на Скопје Орце Ѓорѓиевски на својот Фејсбук профил информираше дека инспектори во координација со Државниот пазарен инспекторат (ДПИ) и Министерството за внатрешни работи (МВР) спровеле акции во „Зимзоленд“.
„По пријави од граѓани, постапивме на Зимзоленд. Инспекторатот беше на локацијата и утврди дека Градот Скопје нема дадено дозвола за таму да се врши дејност. Констатирани се повеќе неправилности, особено во однос на вршење дејност надвор од објект. Дополнително, за реквизитите и забавните содржини кои не се дел од програмата на Општина Аеродром, наложено е градежниот инспектор од општината да постапи согласно законските регулативи“, објави градоначалникот Орце Ѓорѓиевски.
Зимзоленд работи без дозвола, институциите си ја префрлаат топката