Дали и кој му издал дозвола на Зимзоленд поради кој настана сообраќаен хаос во Лисиче? Освен рингишпилот во Луна-паркот, во круг се вртат и институциите околу тоа кој издал дозвола и кој е должен да ја контролира работата на Зимзоленд, објави Телма.
По бројните реакции од жителите во околината, Телма побара одговори од организаторот на зимскиот забавен парк. Оттаму тврдат дека располагаат со договор за закуп и дозвола за работа од општина Аеродром. Општината, пак, ја негира одговорноста.
Градоначалникот Дејан Митески изјави дека локацијата е приватен имот и дека општината единствено можела да укаже просторот да не биде запуштен. За поставените реквизити, Митески ја посочи надлежноста на Град Скопје.
Од Градот возвратија дека не издале дозвола, бидејќи тоа било обврска на општината Аеродром. Додека институциите меѓусебно ја префрлаат одговорноста, во Зимзоленд атмосферата останува раздвижена – музика, светилки и детска смеа го исполнуваат просторот во Лисиче.
Целото видео од овој материјал на следниот линк.