Македонија мора да ги почитува загриженостите на Софија смета данскиот европратеник Нилс Фуглсанг, претставник на Прогресивната алијанса на социјалисти и демократи.
Тој најавува дека има мали шанси македонското прашање во ЕУ да биде решено во рамки на Данското претседавање со ЕУ кое завршува во Декември.
Во разговор за БНР, Фуглсанг вели дека Македонија треба сериозно да ја сфати позицијата на Софија. Според него, загриженоста на Бугарија е препознаена на европско ниво и е вклучена во францускиот предлог – кој се смета за клучна рамка за идните преговори.
„Веќе имаме француски компромис кој го зема предвид ставот на Бугарија и тој мора да се почитува. Тој носи значителна политичка тежина“, изјави Фуглсанг.
„Ако С. Македонија е сериозна во врска со приклучувањето кон Европската Унија, треба да разбере дека гласот на Бугарија е важен. Не можеме да си дозволиме да гледаме како се разгоруваат внатрешни политички тензии во рамките на ЕУ.“
Тој, исто така, призна дека иако дискусиите со Македонија се во тек, конечниот договор е малку веројатен за време на сегашното претседателство на Данска со Советот на ЕУ. Процесот, додаде тој, ќе биде предаден на претстојното кипарско претседателство.
Најчитани статии