Македонија

Нема веќе „клати врата, земај плата“ во Кавадарци

Градоначалникот најавува проветрување на администрацијата

2 минути за читање

Преку коректно професионално однесување и со адекватно знаење за работната позиција на општинските службеници, општина Кавадарци ќе обезбедува поквалитетни услуги за граѓаните. „Држењето“ работни места по партиски, роднински или етнички клуч, заминува во историјата. Градоначалникот Митко Јанчев најавува „проветрување“ на локалната администрација преку посебен мерит-систем кој ги опфаќа сите административци. Веќе е формиран и тим кој работи на анализата и продуктивноста на секој вработен – од почитувањето на кодексот и колективниот договор до неговото однесување, облекување и продуктивноста на работното место.

„Со тоа ќе се оценуваат административните државни службеници, и врз основа на таа оценка, мислам дека 5 проценти од вкупниот број на вработени, можат да добијат и награда. Трипати лоша оценка во годината, значи отпуштање од работа. Немаше храброст досега на никој да му се стави лоша оценка затоа што се очекуваше дека ќе се подобри. Е сега, тоа го најавив дека се’ ќе си биде транспарентно и објективно, и ако некој сам од себе не се срами, јас немам потреба да се срамам за некој друг“, – дециден е Митко Јанчев, градоначалник на Кавадарци.

Особено внимание ќе се посветува и на меѓучовечките односи во колективот, кои често, кога се нарушени, создаваат директни реперкусии врз квалитетот и имиџот на институцијата. А ќе се оценува и односот на службениците кон граѓаните и клиентите. Тој мора да биде или санкциониран, или награден, јавно и транспарентно, без никаква политичка, национална, роднинска или друга заднина, уверува Јанчев.

„Односот на јавната администрација кон граѓаните и кон нашите клиенти, треба да биде на ниво. Не може да биде арогантен, не смее да биде дрзок, без разлика од другата страна граѓанинот на кој начин се обратил“ – категоричен е градоначалникот Јанчев.

Вакви нови мерки за оценување на работата на службениците од јавната локална администрација неодамна најави и градоначалникот на Прилеп, Дејан Проданоски. Тој на последната седница на општинскиот Совет кажа дека периодот на хибернација и неработење е завршен и дека сега секој административец ќе треба да си го заслужи своето работно место согласно правилниците за работа.

извор: Алфа тв

Поврзани теми:

топ|градоначалник|администрација|Општина Кавадарци

Повеќе на оваа тема:

Најнови вести од: Македонија

(Видео): Филипче против укинување на Техничка влада, вели прво реформски закони па после друго

Техничката влада е воведена поради злоупотребите на институциите токму во владеењето на ВМРО-ДПМНЕ пред неколку години, а сега истото се случува, поради тоа не поддржуваме укинување на Техничка влада. Лидерот на СДСМ уште еднаш го повтори ставот и смета дека е оправдана одлуката да не присуствува на лидерската средба.

Колку пари потрошиле општините низ Македонија за новогодишно украсување на градовите?!

Скоро 800 илјади евра потрошиле анализираните општини за новогодишно украсување, но оваа сума ќе расте бидејќи се чекаат податоци од уште шест општини. Интресно е дека 78% од сумата ја добила само една компанија, покажува истражувањето на Центарот за граѓански комуникации. Најмногу пари потрошила Општина Штип, а на втро место е Град Скопје.

Пазарниот инспектор се засилува со нови 40 инспектори, ќе се контролира кој ги крши законите

Дури 129 пазарни инспектори контролираат над 40 закони низ цела Македонија. Надлежните велат дека инспекторите работеле цело времре, и направиле многу проверки, но потребни се нови колеги. Министерот за економија и труд, Дурмиши, уверува дека се работи на тоа прашање – веќе се обучувале околу 40 нови работници.

Ахмети: Се согласуваме со една изборна единица, а за укинување на техничката влада да се консултираат ЕУ и САД

„Во однос на прашањето за техничката влада, ние сме на ставот дека треба да се консултираме дополнително со меѓународната заедница, меѓународниот фактор и партнерите кои се коавтори на текстот за Пржинската влада – ЕУ и САД.“ – посочи Ахмети.

Загина тетовецот Обрад Стојановиќ (76) во запалениот стан, син му повреден

Починатиот Обрад Стојановиќ 42 години работеше како наставник по практична настава во Средното текстилно училиште „Ѓоце Стојчевски-Амбарче“, во Тетово. Еден е од основачите на Здружението на Срби и Македонци „Бранко Чајка“ од Тетово и негов прв претседател.

Мицкоски: Компромис за Законот за прекршоци, а за техничката влада сме согласни да се укине

„Денеска јавноста беше сведок на поинаков пристап на решавање на отворени прашања, нешто што можеби не се случувало во изминатите 35 години државност, а тоа е преку плодна дискусија во оваа лидерска средба и во дебата, која во одредена мерка беше полна со предлози и идеи.“ – изјави денеска претседателот на Владата на Република Македонија и лидер на ВМРО ДПМНЕ Христијан Мицкоски. Тој истакна дека средбата била конструктивна. „Голем дел од отворените прашања се отворија. За поголем дел од тие поголеми отворени прашања имаме исто мислење и заеднички јазик, за еден дел, нормално, позициите ни се разликуваат. Но, она, што за мене важно е преку една ваква дискусија, во која што сите чинители присутни на оваа лидерска средба, кажаа јавно дека таа средба била конструктивна.“ – нагласи Мицкоски. „Македонските граѓани во овој период на празници можеа да видат поинакво однесување од политичките чинители, зрело и конструктивно однесување, кое значи надминување на проблемите.’ – додаде тој.
Сите вести од Македонија

Најнови вести

To top