Заменик-претседателот на Владата и министер за транспорт Александар Николоски со жесток опис на „црната кампања“, како што ги нарече настапите на лидерот на СДСМ, Венко Филипче, и на неговата партија.
„Не сум изненаден. Гледаме еден нихилизам, една црна кампања, гнасна кампања која доаѓа од СДСМ. Јас сум свесен дека и Венко Филипче е свесен дека му се ниша позицијата во СДСМ, ја има практично киднапирано партијата за цели што само тој ги разбира и буквално се однесува како бомбаш-самоубиец, сакајќи да се заштити себеси и сопствената позиција во партијата и уништува сè околу себе“, одговори Николоски на новинарско прашање во Прилеп, кадешто присуствуваше на давањето отчет од локалната самоуправа за првите сто дена од преземањето на општината.
„Најголем проблем е што овој начин на комуникација создава една токсична атмосфера во општеството, создава една атмосфера којашто не е добра и нешто што нејќе Македонија да го види. Во исто време нè кара и со стратешките пријатели, знаете дека цела кампања водеше против Велика Британија, со којашто потпишавме стратешки договор и со којашто имаме стратешко партнерство“, додаде вицепремиерот.