Македонија

Нови хотели и брза пруга – Македонија отвора туристички пат кон Грција

Македонија е меѓу ретките држави кои има двоцифрен раст на бројот на туристи. За само една година, воведена е 21 директна авио дестинација од европските метрополи, а само лани преку Македонија транзитирале преку 10 милиони патници. Ова доволно кажува за посветеноста на Владата за развој на туризмот, истакана вицепремиерот и министер за транспорт Александар Николоски.

2 минути за читање

Македонија има огромен потенцијал за развој на туризмот, добрата инфрaструктура носи повеќе туристи и пари за државата, но ни фалат добри хотели. Ова го најави вицепремиерот и министер за транспорт, Николоски, на панел дискусија посветена на Коридорот Е-75. Истакна дека изградбата на брзата пруга, понудата на винската индустрија, археолошките споменици и туристичките дестинации се предуслов за зголемување на туристичките посети.

Целта на Владата е да се задржат туристите кои поминуваат низ Коридорот 10, однонсно да не биде само транзит. Министерот за култура посочи дека за да го претвориме овој потенцијал, потребно е да се размислува пошироко.

Инфраструктурниот развој долж Коридорот 10 станува стратешки приоритет со цел поттикнување на туризмот, регионалната поврзаност и економската соработка меѓу земјите од Југоисточна Европа. Еден од клучните проекти е изградбата на брзата железничка пруга меѓу Скопје и Солун, која ќе овозможи патување меѓу двата града за помалку од два и пол часа.

Покрај железничката модернизација, се планира и развивање на туристички капацитети долж трасата, со акцент на нови хотели, туристички комплекси и одморалишта во близина на градовите низ кои минува Коридорот. Со тоа, владините претставници очекуваат зголемен број на посетители, подобра искористеност на локалните ресурси и развој на малите бизниси во секторот на угостителство и туризам.

Проектот, кој е дел од пошироката иницијатива за модернизација на Коридорот 10, предвидува и подобрување на патната инфраструктура, изградба на нови приклучоци и подобра сигнализација, што ќе го направи движењето побрзо, посигурно и поефикасно.

Од Владата посочија дека се подготвува градење на брза пруга од Скопје до Солун. Паралелно, се градат и автопатските делници Охрид-Кичево, Кичево-Букојчани, Букојчани-Гостивар, Гостивар-Тетово, Прилеп-Битола. Како најново е експресниот пат Крива Паланка до Бугарија.

До крајот на годинава се очекува да се пуштат нови 18 километри од автопатот Кичево-Охрид. Се очекува да биде пуштен во употреба до крајот на следната 2026. година.

Поврзани теми:

Коридор 8|пруга|железница|Патишта|Коридор 10|автопатишта|градба|топ|коридори|избор|хотели|Македонија|бизнис

Повеќе на оваа тема:

Најнови вести од: Македонија

Дали денешната средба на косовското Ветвендосје на Албин Курти со Албанци во Скопје е најава дека ќе ги прошири активностите и во Македонија?!

Веќе 14 години во оптек е идејата, поточно намерата на Албин Курти, доскорешен премиер на Косово, и актуелен лидер на косовската партија Движење Ветвендосје (Самоопределување) да отвори свој огранок, или центар, и во Македонија. Засега нема поблиски информации дали би можело наскоро таа идеја и намера да се реализира, со тоа што партијата на Курти би го проширила своето политичко дејствување и на територијата на Македонија. Инаку, Ветвендосје одржува блиски контакти и тесна соработка со коалицијата Вреди.

Пренџов: Заев и Филипче ѝ дадоа на Бугарија што бараше 150 години, но Бугарите во Уставот ќе влезат кога и Македонија и Македонците во ЕУ!

„Тоа што го бара Бугарија не е ново, тоа Бугарија го бара 150 години и ниеден претходно не го направил тоа, што што го направија Заев и Филипче. Предупредувавме дека ќе завршиме во ќорсокак, дека на Македонецот му е доста од понижување. Предупредувавме дека покрај сменето име, презиме, банкноти, 20 пати Устав сменето, знаме сменето, не сакаме повеќе да бидеме луѓе, кои ќе ја наведнуваме главата, научени да губиме, а ништо да не добиваме. Ние сме нова политичка номенклатура, но ги држиме македонската традиција и македонскиот идентитет по секоја цена! Кога се работи за Македонија, за нашите предци и за нашите поколенија, мора многу сериозно, многу стратегиски и многу мудро да се размислува. Не велиме дека никогаш нема да има Бугари во Уставот, но велиме дека велиме кога Македонците ќе влезат во ЕУ тогаш и Бугарите ќе влезат во нашиот Устав!“ – изјави пратеникот од ВМРО ДПМНЕ Љупчо Пренџов во гостувањето во ТВ Канал 5.

Забавниот парк „Зимзоленд“ под клуч – инспекцијата го затвори по направените вонредни контроли

Клуч за вртелешките во скопско Ново Лисиче. Забавниот парк „Зимзоленд“ е затворен за посетители. Според информациите, во текот на денот објектот бил затворен по интервенција на Министерството за внатрешни работи, во координација со Општина Аеродром. На терен и инспекоти од УЈП.
Сите вести од Македонија

Најнови вести

To top