„С.Македонија е земја на неизвесности. Нејасно е и дали оние што денес се нарекуваат себеси Македонци, а чии ‘изводи од матичната книга на родените’ се менуваат сезонски, се потомци на јужните Словени, или внуци на Александар Велики и на неговите војници, кои го освоиле Вавилон?!“ – наведува публицистот и писател Ким Мехмети во својата колумна со наслов „Македонските елити се составени главно од Бугари и посрбени православни Албанци“, која ја објави информативната агенција на албански јазик Илирија-ИНА.
Покрај другото, натаму Мехмети изнесува: „С.Македонија е исто така земја на чуда каде што најчудното е однесувањето на албанските политичари, кои се или идиоти, што не разбираат, или се кукавици, кои се плашат да кажат дека македонските елити се составени главно од Бугари и србизирани православни Албанци. И кои, за да ја сокријат својата вистинска етничка припадност, се покриваат со жестока омраза кон Бугарите и Албанците.“
„С.Македонија, татковината на нејаснотии, лаги и чуда, воопшто не личи на нормална држава. И како таква, веројатно ќе биде тешко некогаш да стане вистинска држава каде што никој нема да има потреба да се лаже себеси, ниту другите.“