Реномираниот светски магазин и телевизиски канал „Нешенел џиографик“ го вброи Охридското Езеро меѓу петте езера во Европа што треба да се посетат.
„Ако не сте слушнале за Охридското Езеро, светско наследство на УНЕСКО, не сте единствените, но ви недостига еден трик. Сместено меѓу планините на Северна Македонија и источна Албанија, ова зелено-сино езеро е меѓу најстарите и најдлабоките во Европа. Летото ве искушува со капење во проѕирни води, пикници на плажите со камчиња на источниот брег како Потпеш и Лабино и со розово-виолетови зајдисонца што ја возбудуваат душата.
На северниот брег Охрид е привлечно место за да почнете со обиколка на езерото, со патека што се протега до карпести плажи и стрмен, топол камен стар град каде што калдрмисаните улички водат до православни цркви и урната средновековна тврдина. Рестораните на брегот ги комбинираат локалните специјалитети како рибја чорба подготвена со езерска пастрмка, лимон и лук со македонски вина. Надвор од Охрид ќе бидете заведени од културните големи знаменитости како што се куполниот, византиски стил, исполнет со фрески, високо на карпа, и реконструираните наколни живеалишта од бронзеното и железното време во Заливот на коските“, објаснува „Нешенел џиографик“ зошто да се посети македонскиот Ерусалим.
Преостанатите најубави европски езера на листата се Боденското во Германија, Алкева во Португалија, Бохињското во Словенија и Перуча во Хрватска.