Македонија

Општина Ресен ќе ги обесштети земјоделците кои претрпеа штета од пожарите

Пријавувањето на штетите завршува на 23 септември, а потоа општинска комисија од експерти ќе процени надомест

1 минута за читање

 

Општина Ресен ќе ги обесштети граѓаните кои претрпеа штета предизвикана од пожарот што зафати делови од 4 преспански села.

Големиот пожар на отворено што се случи ова лето, на 11 јули, предизвика штета на јаболковите овоштарници, пчелните колонии и други корисни површини во тој дел од Преспа.

„Барањето за пријавување на штетата може да се добие од Општина Ресен или на веб-страницата на општината, а покрај барањето, секој подносител на барање, во зависност од видот на претрпената штета, мора да достави дополнителна документација поврзана со имотот и сопственоста, бројот на пчелните колонии, бројот на дрвја и видот на културата што се одгледувала, староста на дрвјата во години и други податоци“, информира Општина Ресен.

Пријавувањето на штетите завршува на 23 септември, а потоа општинска комисија од експерти ќе процени надомест за штети од природни катастрофи и други несреќи, имено пожар.

Поврзани теми:

земјоделци|штета|обесштетување|актуелно|Ресен|пожари

Повеќе на оваа тема:

Најнови вести од: Македонија

Клековски: Западнонилската треска стивнува, на Клиниката за инфективни болести сe згрижени шест пациенти

Министерот за здравство Сашо Клековски вели дека епидемијата на западнонилската треска стивнува, за што говорат податоците дека во последните две седмици има по два нови случаја, а и на Клиниката за инфективни болести моментно се згрижени шест пациенти, од кои само двајца се во потешка состојба.

Мицкоски: Колку и да сакаат да го оцрнат работењето на оваа Влада, денес многу подобро се живее отколку пред 3 години!

„Пред 25-26 месеци наследивме  уништени институции, ограбена економија, клекната на колена држава, разочарани и демотивирани граѓани. И сега,  колку и да сакаат да го оцрнат тоа што денеска оваа Влада го работи, ќе мора сите да се согласиме дека денеска многу подобро се живее од тоа што беше пред три години.“ – изјави денеска премиерот Христијан Мицкоски, одговарајќи  на новинарско прашање во врска со забелешките на опозицијата околу порастот на бруто-домашниот производ.

„Babuna Red 2023“ на „Тиквеш“ го освои Лондон: Престижен трофеј за најдобро црвено вино од Македонија

На свечениот настан за доделување на наградите освоени на годинешниот International Wine Challenge (IWC), што се одржа на 8. септември во Лондон, трофејот за „Babuna Red 2023“ за најдобро црвено вино од Македонија, му беше врачен на претседателот на Управниот одбор на ВВ „Тиквеш“, Светозар Јаневски. Со оваа награда, „Babuna Red 2023“ се вбројува меѓу вината што оставија најсилен впечаток на едно од највлијателните и најценети светски вински натпреварувања, потврдувајќи го квалитетот, автентичноста и меѓународниот потенцијал на македонското вино. Ова престижно признание има и дополнителна тежина бидејќи „Babuna Red 2023“ на истиот натпревар освои и златен медал со високи 95 поени, издвојувајќи се меѓу најдобро оценетите вина во својата категорија.
Сите вести од Македонија

Најнови вести

To top