Македонија

Орбан се откажува од ветото за членството на Украина во ЕУ, поради Трамп? – Македонија и натаму во „еврочекалницата“

Брисел е пред дилемата: како да се стави проширувањето во функција на посоодветно влијаење врз внатрешната политика на земјите-кандидатки?

2 минути за читање

Брисел повторно зборува за „отворање на преговарачкиот кластер“ за Молдавија и Украина за влез во Европската Унија. Според угледниот европски аналитички портал „Политико“, оваа одлука би можела да се донесе во наредните денови или недели, со што процесот би покренал по подолг застој. Дипломатски извори за „Политико нагласија“ дека американскиот претседател Доналд Трамп одиграл клучна улога во придвижувањето на работите.

Како што се наведува, Трамп успеал да го убеди унгарскиот премиер Виктор Орбан да го повлече своето вето за отворање на процесот за Украина, со што се отстранува главната пречка, која се држеше под блокада. Сепак, кога станува збор за Молдавија, ситуацијата изгледа почувствителна. Неименуван дипломат предупреди дека отворањето преговори пред парламентарните избори во таа земја може да биде контрапродуктивно. „Јасно е дека некои сакаат да ѝ понудат на Молдавија преговарачка платформа, но со изборите закажани за 28 септември 2025 година, тоа би било кратковидо и би можело да предизвика несакани последици.“ – рече тој дипломат.

Според „Политико“, во заднината на сè, постои и политички момент: Брисел е подготвен да го забрза процесот за Молдавија со цел да им даде поттик на проевропските партии пред изборите. Притоа се посочува на прашањето: дали ЕУ е подготвена да го користи процесот на проширување како инструмент за влијание врз внатрешната политика на земјите-кандидатки?

Во моментов статус на кандидати за членство во ЕУ имаат: Албанија, Босна и Херцеговина, Грузија, Молдавија, Македонија, Србија, Турција, Украина и Црна Гора. Во исто време, Брисел сè уште врши притисок врз Белград да се согласи да му додели статус на Косово, за кој во во праксата одделни политички кругови во Белград сметаат дека би претставувал своевидно признавање на независноста на Косово.

ЕУ се соочува со сложена одлука и прашање: дали да го забрза процесот и да се изложи на опасност да се соочи и со политички последици, или да почека посоодветен момент? Се укажува и на на тоа дека одлуката ќе укаже не само на насоката на проширување, туку и како ја гледа Брисел својата идна улога на истокот од европскиот континент.

 

Поврзани теми:

проширување|Република Македонија|Украина|Доналд Трамп|Виктор Орбан|Европска унија

Повеќе на оваа тема:

Најнови вести од: Македонија

Повторно лажна паника – Аларм за дојави на бомби во училиштата

Лажната дојава за бомба е пријавена во 10 училишта во Тетово – четири средни и шест основни – поради што наставата не се одржа во ниту едно училиште во градот. Во меѓувреме, Секторот за образование во Тетово бара одговорност од надлежните органи за испраќањето на овие дојави и за безбедноста на учениците.

Законот за пушење: Терасите на локалите да бидат отворени од две, наместо од три страни

По денешната средба во Владата помеѓу владини претставници и луѓе од Туристичко-угостителската комора, договорено е терасите, односно летните бавчи на рестораните и кафе-баровите да мора да бидат отворени само од две страни, наместо првично предложените три страни, велат од секторот.

Кавадарци ќе го претвора винскиот отпад во нови производи

Преку Фондот за градски експерименти и процесот на зелена и дигитална трансформација, Кавадарци ќе прави чекор напред кон претворање на винскиот отпад во нови производи, развој на циркуларна економија и градење современа еко-туристичка понуда која ги поврзува винариите, културните знаменитости и локалните стопанства.

Нови можности за локалниот бизнис – Шведско-македонската стопанска комора отвора канцеларија во Скопје

Преку проекти за унапредување на локалната бизнис клима, Општината активно работи на подобрување на инфраструктурата, модернизација на административните услуги и директна поддршка на малите и средни претпријатија. Целта е да се унапредат условите за поефикасно водење бизнис, зголемена конкурентност и привлекување на нови инвестиции, кои ќе резултираат со нови работни места и одржлива локална економија.

ДУИ бара „правична и непристрасна постапка“ за Груби, ВМРО ДПМНЕ посочува дека ќе одговара за сите милиони евра, кои ги украл!

ДУИ „позитивно ја оценува одлуката на Артан Груби, да се врати во земјата“, оценувајќи дека „со тоа се создава можност да се изнесат сите аргументи и да се разјаснат прашањата преку транспарентна, правична и непристрасна постапка“. ВМРО ДПМНЕ денес реагираше по апсењето на Артан Груби: „Тој важи како  олицетворение на криминалот и корупцијата предводена од СДС и ДУИ, и конечно ќе се соочи со правдата. Криминалот на бегалецот од правдата Груби достигна над 8 милиони евра. Има укажувања дека оваа сума може да надмине десетици милиони евра, украдени од граѓаните. Дополнителен криминал на Груби заедно со неговиот другар Бајрами, тогашен директор на Државната лотарија, освен што местеле милионски тендери, е и исплаќање аванси на деловни соработници. За целиот овој милионски криминал на Груби знаеше и СДС, но само за да не му пропадне коалицијата и да му потрае власта, молчеше и го одобруваше, со што стана соучесник. Груби крадеше, СДС молчеше и одобруваше. Сега е време на одговорност.“

Високото образование треба да создава стручни луѓе, а државата да бара отчетност од универзитетите

Министерството за образование и наука не е спротивставена страна на академската заедница, напротив во соработка со Универзитетите го започнавме и на ист начин ќе го завршиме Законот за високото образование, изјави министерката за образование и наука Весна Јаневска, пред почетокот на 4-тата јавна дебата, што денес се одржа на Универзитетот „Св. Кирил и Методиј“ во Скопје.

За лажна работна виза за Германија тетовка му платила 3 илјади евра на сограѓанин, потоа „испарил“!

Во СВР Тетово, 32-годишна жена од Тетово пријави дека била измамена од едно лице од Тетово за сума од 3.000 евра. Според пријавеното, во текот на 2024 година, таа се договорила со лицето да ѝ посредува за добивање работна виза за Германија и притоа парите му ги исплатила во неколку наврати.

ТВ Телма дојде до видео-снимки на можниот сериски убиец и силувач од Старо Нагоричане! Се истражува смртта на пет жени! (Видео)

Телевизија Телма дојде до снимки, кои се од камери на една од куќите, каде што се гледа осомничениот сериски убиец од Старо Нагоричане. Видеото трае две минути, а на него се појавува крупен маж со подолга јакна и качулка на главата, кој се обидува да ја отвори вратата на куќата. Но таа е заклучена. Според изворите на Телма, се работи за дом кој се наоѓа блиску до местото познато како Коински мост, а во куќата живеела сама повозрасна жена.
Сите вести од Македонија

Најнови вести

To top