Македонија

Османи до Мицкоски за ЕУ: Нема план Б, постојат само одговорност и храброст да се реализира планот А

Поранешниот шеф на дипломатијата Бујар Османи му реплицира на Фејсбук на премиерот Христијан Мицкоски, кој денеска уште еднаш го обвини дека го продал неговиот македонски идентитет додека бил министер. „Фактичката состојба е едноставна и секому јасна: Претходната Влада – не поединец, туку цела институционална структура – му остави одличен маневарски простор. Наместо историски или идентитетски […]

1 минута за читање

Поранешниот шеф на дипломатијата Бујар Османи му реплицира на Фејсбук на премиерот Христијан Мицкоски, кој денеска уште еднаш го обвини дека го продал неговиот македонски идентитет додека бил министер.

„Фактичката состојба е едноставна и секому јасна:

Претходната Влада – не поединец, туку цела институционална структура – му остави одличен маневарски простор.

Наместо историски или идентитетски прашања, преговарачката рамка го признава македонскиот јазик, ја афирмира мултиетничката демократија и предвидува уставни измени што се веќе дел од нашиот систем.

Мицкоски има едноставен излез, но самиот се заглави во ќорсокак.

Наместо лов на вештерки, треба да ги слушне пораките од претседателот Кошта и другите сојузници.

Нема план Б. Постојат само одговорност и храброст да се реализира планот А.

А за тоа – потребно е вистинско лидерство.

А за лидерство – потребни се лидери“, му порача на Мицкоски „претседателот на пола свет“, како што се претстави себеси додека претседаваше со ОБСЕ.

Поврзани теми:

Христијан Мицкоски|еу|Бујар османи

Повеќе на оваа тема:

Најнови вести од: Македонија

Тачи: Додека Албанците се третираат за граѓани од втор ред, не може да има социјален мир и европска перспектива

Остро ги критикуваше државните институции за нецелосно спроведување на уставните и законските права на Албанците, наведувајќи ја недоволната застапеност во клучните институции, употребата на албанскиот јазик, како и дискриминацијата во вработувањето и регионалниот развој.

Ветвендосје на Курти победи на изборите, но дали ќе има мнозинство гласови, за да формира самостојно влада на Косово? – Честитка од Меџити

Изет Меџити, градоначалник на општина Чаир и еден од лидерите на коалицијата Вреди, испрати честитка до премиерот Албин Курти по неговата нова изборна победа во Косово. „Добра вест доаѓа од Косово. Уште една победа за Албин Курти и Самоопределување. Албин, големо задоволство е да ја видам вашата нова победа, дури поголема од претходните избори. “ – посочи, покрај другото, Меџити во својата честитка. Тој додаде дека „од Скопје ја потврдува својата поддршка за демократските процеси во Косово“.

На паркинг на булеварот „АСНОМ“ во Скопје, оштетени 34 возила!

Не едно, не неколку, туку рамно 34 возила се оштетени на паркингот на булеварот „АСНОМ“ (од Ново Лисиче кон населба Аеродром) – некој решил да се „забавува“, или за што станува збор?! Екипа од СВР Скопје извршила увид, известен е јавен обвинител и се преземаат мерки за пронаоѓање на сторителот и за целосно расчистување на случајот, велат од полицијата.

Над половина од семејствата со повеќе деца едвај крпат крај со крај

Просечно секој петти граѓанин во државата живее во сиромаштија, а според последните податоци на ДЗС за лани, стапката на сиромаштија во земјата изнесува 21,9 %. Најизразена е кај децата до 17 години каде процентуалноста пак достигнува 29,5 % што укажува на тоа дека речиси една третина од младите деца живеат во сиромаштија. Кај вработените лица, стапката на сиромаштија во 2024 година изнесува 7,9 проценти, што укажува на присуство на т.н феномен на „сиромашни вработени“ – лица кои и покрај тоа што имаат работа, остваруваат приходи под прагот на сиромаштија.

Шабани: Огромното мнозинство од младите во РМ воопшто не се заинтересирани за темите, за кои зборува Али Ахмети, „доживотниот цар на ДУИ“!

„Без нови личности и визија, ДУИ се изложува на опасност да остане во опозиција долго време. Конгресот на ДУИ произведе незадоволство, а не реформи. Лошото во врска со Конгресот на ДУИ е тоа што не со замина Али Ахмети, кој е главниот виновник за поразот на ДУИ на локалните избори одржани во октомври. А тој сака да остане цар, самовладетел во ДУИ до својата смрт! Огромното мнозинство од младите луѓе во земјата, особено оние родени по Охридскиот договор, воопшто не се заинтересирани за темите за кои зборува Али Ахмети.“ – се нагласува во анализата, која е објавена во весникот на албански јазик „Бота сот“ од Приштина, Косово со наслов „Поделба во ДУИ по изборот на раководството на Конгресот“.
Сите вести од Македонија

Најнови вести

To top