Македонија

Отец Георгиј устоличен на тронот на Дебарско-кичевската епархија

Поранешниот декан на Богословскиот факултет, Ѓоко Ѓорѓевски, се замонаши на 27 мај годинава, на 28 мај беше произведен за јероѓакон, а на 29 мај беше избран за јеромонах

ФОТО Религија.мк
ФОТО Религија.мк

На денешната Божествена литургија со која чиноначалствуваше aрхиепскопот oхридски и македонски г.г. Стефан, архимандритот Георгиј беше хиротонисан за митрополит и устоличен на тронот на Дебарко-кичевската епархија.

Тој пред членовите на Светиот синод на МПЦ-ОА и присутните во црквата „Света Софија“ во Охрид се завети дека ќе работи согласно каноните на црквата и оти ќе извршува што ќе му биде заповедано со најголема послушност, имајќи ги во предвид вистината и правдата.

„Сето тоа ќе го правам според мојата совест, без да робувам на лицемерноста и да бидам роб на страстите, но секогаш ќе го имам на ум единствениот Божји суд, со искрена љубов кон Бога и кон ближните…Се заколнувам со живиот Бог дека секогаш ќе ги имам на ум неговите зборови – проколнат да биде секој онај што нема да го извршува Божјото дело. И дека во сите работи поврзани со мојот позив како со дела Божји нема да бидам мрзлив туку ќе бидам вреден и ќе работам со сите мои сили“, рече митрополитот Георгиј, пренесе 360.степени

Архиепископот охридски и македонски, г.г. Стефан рече дека денеска црквата добила архиереј кој е достоен на своите претци и кој ќе го продолжи нивното светло, и оти сите досегашни охридски светила со своите животи покажале дека епископот не е управител на земна институција, тук „жртва светаденица“ која се принесува себе си за својот народ.

Митрополитот Георгиј дојде на упразнетото место во Дебарско-кичевската епархија, откако митрополитот Тимотеј почина во ноември минатата година по кратко боледување. Отец Георгиј беше единствен кандидат за оваа црковна позиција.

Отец Георгиј, поранешниот декан на Богословскиот факултет, Ѓоко Ѓорѓевски, се замонаши на 27 мај годинава, на 28 мај беше произведен за јероѓакон, а на 29 мај беше избран за јеромонах.

Најнови вести од: Македонија

Маск: Европа ќе изумре целосно, ако стапката на раѓање бебиња не го достигне нивото потребно за репродукција на населението

Најбогатиот човек во светот уште во декември 2024 година ѝ претскажа на Европа дека „се наоѓа во голем проблем“, оти е пред „целосно исчезнување“…

Време е за прочистување на безбедносните служби, порача Ковачки

Пратеникот од ВМРО-ДПМНЕ, Драган Ковачки, член на собраниската комисија за надзор на Агенцијата за национална безбедност (АНБ) и Агенцијата за разузнавање (АР), остро реагираше на откритијата за сериозни злоупотреби во АНБ за време на претходното раководство.

To top