Македонија

Папата Лав доби македонско знаме (ВИДЕО)

Папата Лав вешто го фатил македонското знаме

2 минути за читање

На Генералната аудиенција на папата Лав XIV во рамки на Јубилејната година, во сабота 25 октомври 2025 година, одржана на плоштадот Свети Петар во Рим присуствувал и Скопскиот бискуп и Струмичко-скопски епарх монсињор д-р Киро Стојанов со група ходочесници од Македонија.

За време на обиколката со папамобилот меѓу ходочесниците, пристигнати од целиот на плоштадот Свети Петар, на Папата Лав му било фрлено македонско знаме кое тој го фатил и го предал на неговите придружници.

Во попладневните часови ходочесничката група од Македонија низ улицата Виа дела Кончелационе во Рим се помолила, а потоа поминала низ Светите Врати во базиликата Свети Петар.

Во вечерните часови во Папската базилика Свети Павле, надвор од ѕидините, ходочесниците преминаа низ Светит Врати на оваа базилика и присуствувале на света Литургија, на која во заедништво со епископи и свештеници од Словачка сослужувал епископот Стојанов, протојереј ставрофор отец д-р Зоран И. Стојанов, протеојереј отец Гоце Костов и отец Трајче Ташев.

На крајот од светата Литургија епископот Стојанов се заблагодарил на браќата во епископатот од Словачка за можноста заеднички вчера и денес да се служи света Литургија, градејќи го единството, при што спомнал дека ходочестието на македонската група започнало на гробот на Свеи Кирил, кој со неговиот брат Методиј подеднакво многу се почитуваат во Македонија и Словачка, објави Католици.мк.

Видеото на овој ЛИНК

Поврзани теми:

македонско знаме|леон|топ|Папа Лав

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .
Сите вести од Македонија

Најнови вести

To top