Македонија

Почесен круг за Душко Чифлиганец: Бадников мото-собир во Македонија

Бадник кај нас не е само датум, туку жива традиција што ги обединува љубителите на моторите, звукот на машините и духот на заедништвото.

1 минута за читање

Бадник кај нас не е само датум, туку жива традиција што ги обединува љубителите на моторите, звукот на машините и духот на заедништвото. По деветти пат, на 6 јануари 2026 година, се организира традиционалниот Бадников собир, на кој се поканети сите – млади и стари, рекреативци и натпреварувачи, како и сите што ја делат страста кон моторите.

Собирот ќе се одржи на Зајчев Рид со почеток во 11:00 часот. Присутните ќе имаат можност да учествуваат во традиционалното кршење клубско лепче со паричка, да уживаат во дружењето и во енергијата на настанот, кој симболично го означува стартот на новата мото-сезона.

Како дел од програмата, ќе се вози почесен круг посветен на споменот на другарот Душко Чифлиганец. Овој чин ќе биде израз на почит, заедништво и сеќавање, потсетувајќи дека моторите се не само средство, туку и начин на живот.

Организаторите порачуваат дека сезоната ќе започне во духот на Бадник – заедно, со почит, со адреналин и со искрена љубов кон моторите.

Овој настан веќе станал неизоставен дел од празничната традиција за моторџиите во Македонија, спојувајќи го верскиот празник со страста кон двоточкашите.

Поврзани теми:

избор|душко Чифлиганец|мото собир|Зајчев Рид

Најнови вести од: Македонија

(Фото): Градоначалничката Стаменкоска-Трајкоска се сретна со граѓаните од Кисела Вода

Приемните денови се организираат за време на викендот, односно во сабота, со цел да им се излезе во пресрет на граѓаните и да им се олесни одвојувањето време надвор од нивните редовни работни обврски. Отворените денови за средби со граѓаните ќе продолжат да се реализираат со истата динамика и во наредниот период.

(Видео): Партиските притисоци од СДСМ и ДУИ разрешувале судии за еден ден, се одело по насока на Заев, велат од ВМРО-ДПМНЕ

Она што е клучно е тоа дека повторно добиваме сведоштва за притисокот на СДС и ДУИ, кон правосудните органи. Она кое ние го говориме во јавноста со години, сега веќе и се потврдува. Тие биле оние кои одлучувале кој ќе се апси, а кој ќе се апстрахира од одреден случај. СДС и ДУИ си ја партизираа државата и нејзините институции. ВМРО-ДПМНЕ тоа повеќе нема да го дозволи повеќе. Потребна е одговорност.

Мицкоски јасен: Местото на Македонија е во Европа

Македонија е жртва на булинг од земји членки кои го условуваат евроинтегративниот процес, изјави премиерот Христијан Мицкоски, посочувајќи дека земјата не се вреднува според напредокот, туку според политички услови.

(Фото): Панчевски за СЈО: Во светот можеш се да купиш и бут и врат и кременадла, образ никој не продава

Животот не е 4 години, не е ни 6, не е ни функција, ни власт, животот е долг и полн со искушенија од нечесни луѓе, лажомани и предавници, но полн е и со чесни, искрени и добронамерни кои го топлат срцето. Со овие зборови го почна последниот пост, поранешниот претседател на Кривичен суд, Владимир Панчевски, кој […]
Сите вести од Македонија

Најнови вести

To top