Територијата на Македонија во текот на оваа ноќ ќе подпадне под уште поладна и поларна воздушна маса од север која дополнителнмо ќе ги спушти температурите на воздухот а исто така облачноста ќе се намали но ќе продолжи да дува повремено засилен ветер од северен правец, објави Славчо Попоски.
– Утрото на 12 Јануари Понеделник ќе биде екстремно ладно во Македонија со температури кои ќе се спуштаат во интервалот од -17 до -5 степени а во планинските места температурите очекувам да се спуштат и до -20 степени. Во Скопје наутро на 12 Јануари Понеделник температурата ќе се спушти до околу -10 степени.
Многу ладно ќе биде и преку денот Понеделник 12 Јануари со температури кои ќе останат под нулата, односно преку денот температурата ќе се искачува во интервалот од -7 до 1 степен. Во Скопје температурата во текот на денот Понеделник 12 Јануари ќе се искачи до околу 0 степени.