Секторот за внатрешни работи Охрид ги известува граѓаните дека од денеска до 22 јули 2026 година, кога индиската претседателка Дроупади Мурму ќе престојува во Охрид, ќе се преземаат засилени безбедносни мерки и посебен режим на сообраќај.
Активностите се насочени кон физичко и сообраќајно обезбедување на сообраќајниците и други објекти, за што се веќе остварени контакти со службите од локалната самоуправа, ЈП „Комуналец“, Фондот за комунални дејности, сообраќај и улици при Општина Охрид, како и со други релевантни субјекти.
Полициската станица за безбедност во патниот сообраќај Охрид од денеска интензивно презема мерки за сообраќајно обезбедување, контрола и регулирање на сообраќајот, пред сѐ по булеварот „Туристичка“, но и по другите патишта и сообраќајници каде што не е дозволено запирање или паркирање на моторни возила.
СВР Охрид апелира до граѓаните да ги почитуваат наредбите што ги издаваат полициските службеници по сообраќајниците со цел безбедност на сите учесници во сообраќајот, имајќи ги предвид безбедносните мерки што се реализираат во врска со оваа значајна посета.
Граѓаните се повикуваат своите моторни возила да ги користат во исклучителни случаи или да користат алтернативни превозни средства.