Македонија

Последниот поздрав од Наум за човекот Јово

Искрен, брутален, духовит, понекогаш и саркастичен, полн со идеи и изградени поткрепени ставови со искуство и наука. Во фрак или шал, на катедра или на шанк, човек чиешто познанство остава длабок белег

Скопско лето, некаде пред полноќ, пишувам порака “Да не спиеш?” Веднаш ѕвони. “Не бе какво спиење, читам, чоек нема; кај си ти, ај на пиво?”
“Да дојдам да те зеам?” го прашувам. “Не бе па ти, ај Дебар маало, за 10 минути сум во …”
И окапување до рани зори.

Таков човек беше Јован Донев, Јово, амбасадорот, професорот, импулсивен, непосреден, отворен, посакуван во друштво. Без ракавици против кичот и шундот, и во политиката, и во образованието, и во животот.

Разликата во годините не претставуваат проблем за Луѓе како Јово. Искрен, брутален, духовит, понекогаш и саркастичен, полн со идеи и изградени поткрепени ставови со искуство и наука. Во фрак или шал, на катедра или на шанк, човек чиешто познанство остава длабок белег.

Сме истерале муабети до сто и една, јавни – на дебати по телевизии и весници, приватни- уште толку и повеќе. Никогаш крајот не им се гледал, секогаш имаше уште муабет- два.

На крају крајева, на сите ни остави нешто многу ретко и скапоцено во овие модерни времиња, ни остави “сабрана дела” што почнуваат со “Шо би рекол Јово… ” до сто и една.

Ама сега нема- и назад.

Светол ти пат, Човеку Јово.

(Фото- принтскрин од една од многуте наши жестоки дебати за, со еден збор, достоинството на Македонија)

Последната порака на Наум Стоилковски до починатиот Јован Донев

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top