Три баби. Покажувајќи со прстите на рацете преброја колку жени убил обвинетиот сериски убиец од Старо Нагоричане, Трајко Бојковски. Негираше дека отепал четири жени како што пишува во обвинението на обвинителот Љубомир Лапе, а призна дека и две се обидел да ги убие. Но токму кога обвинителот го испрашуваше сведочеше контрадикторно, прво дека не ја убил Станче, која е прва на листата убиени, пренесува Телма ТВ.
По тоа негираше дека ја убил и Јанка која е третта негова жртва според обвинението. И двете беа есхумирани, но за Станче потврди дека на распит му било предочено дека под ноктите на жената при обдукција се најдени траги со негова ДНК. Исто така го негираше и мотивот, а тоа е дека убивал заради полови дејства врз мртви жени. Сега кога го прашуваше неговиот адвокат шушкајќи повторно со прстите, рече убивав за пари.
Поради ваквите тврдења обвинителот Лапе побара судот да го земе пред вид записникот од распитот пред него кога до детали ги опишувал и убиствата и датумите кога ги сторил. Сведочел дека жените ги демнел, влегувал во нивниот дом најчесто на спиење, ги давел, мртви ги силувал па кај дел дури и јадел и заминувал. Во сведочењето потврдил дека тоа го правел од некрофилски побуди.
Тој самиот не знаеше кое кривично дело го негира па на сите вкрстени прашња одговори потврдно. Тој кривичните дела ги призна кај јавен обвинител а има и други докази со кои се поткрепува обвинението. Начинот на одбрана е негово право. Тој смета дека така најверојатно ќе си ја олесни работата и психијатрите сметаат дека обвинетиот делува во насока да си ја олесни состојбата, рече обвинителот Љубомир Лапе.
Инаку на почетокот на судскиот процес тој негираше вина, а адвокатот кој го ангажираше се откажа од него токму поради тоа што тој рекол дека ќе признае се што сторил.
Денеска судскиот вештак психијатарот Стојан Бајрактаров потврди дека Бојковски бил пресметлив кога ги извршувал убиствата но и дека не му е потребно задолжително лекување во установа наместо затвор. Тоа го бараше адвокатот како алтернатива наместо затворска казна.
Според обвинението убиствата и обидите за убиства се случувале од јануари 2025 година до февруари 2026 година, а никој не утврдил дека жените се убиени и силувани туку биле закопани без обдукција и обвинител. Токму поради ова се води истрага и за двајца доктори мртвопроверители од Куманово, но не и за полицајците кои биле вклучени во увидите.
Дополнително една од жените која била нападната и само со среќа куртулила обвини дека полицијата по нејзината пријава не постапувала. Од обвинителството надлежно за полицајците велат дека чекаат како ќе се изјасни внатрешната контрола на МВР додека пак од МВР велат дека немаат предмети за полицајци поврзани со убиствата во Кумановско. За случајот против Бојковски се закажани завршни заборови за на 6 октомври по што ќе следува пресуда.