На денешен ден во 1992 година, Собранието на Република Македонија, на денешен ден во 1992 година, донесе одлука со која беа усвоени химната на државата „Денес над Македонија“ како и државно знаме на независна Македонија.
На седница беше потврдена и химната „Денес над Македонија“, која и претходно имала значајно место во македонската културна и историска традиција. Автор на текстот е Владо Малески, додека музиката е на Тодор Скаловски.
Со усвојувањето на знамето и химната, независна Македонија ги заокружи основните државни симболи во периодот по прогласувањето на независноста во 1991 година. Тие станаа препознатливи обележја на државата и дел од нејзиниот институционален и национален идентитет.
Автор на текстот е Владо Малески, а автор на музиката Тодор Скаловски. Напишана е во 1941 година. По завршувањето на Втората светска војна е усвоена како химна на СР Македонија во рамките на поранешна Југославија, а по осамостојувањето на Република Македонија, со закон е прогласена и за химна на независна Македонија.[1][2]
Со собраниската одлука беше утврдено знаме со црвена основа и златно-жолто сонце, составено од осум основни и осум споредни сончеви зраци.
Овој симбол беше официјалното државно знаме на Република Македонија до октомври 1995 година.
По политичките случувања и меѓународните реакции поврзани со изгледот на знамето, на 5 октомври 1995 година беше усвоено ново решение. Црвената основа и златно-жолтото сонце останаа, но дизајнот беше изменет така што сонцето има осум зраци кои се протегаат до рабовите на знамето. Новото знаме и денес е државен симбол на Македонија.
