Претседателот на ВМРО-ДПМНЕ, Христијан Мицкоски, денеска побара 24 часа за јавноста да види дали тој ги менува ставовите и дали неговата партија ќе ја поддржи интерпелацијата за републичкиот јавен обвинител Љупчо Коцевски за која ќе расправа Собранието.
„Јавноста ќе види утре, но ние како политичка партија и јас како човек не ги менувам ставовите преку ноќ“, изјави Мицкоски, без да даде конкретен одговор како ќе гласа ВМРО-ДПМНЕ
Собранието утре ќе расправа за интерпелацијата поднесена од Левица, која меѓу другото го обвинува Коцевски за селективен обвинителски систем.
Доколку утре ВМРО-ДПМНЕ гласа за смена на Коцевски можно е наскоро Македонија да добие нов државен јавен обвинител.