Претседателката Гордана Сиљановска-Давкова денеска, во рамки на нејзината официјална посета на Словенија, ќе одржи предавање на Правниот факултет во Љубљана.
Темата на предавањето на македонската претседателка е „Уставни трансформации на патот кон ЕУ: Реформи или уставен инженеринг?“.
Со оваа активност продолжува нејзината агенда во Словенија, каде вчера оствари средба со словенечката претседателка Наташа Пирц-Мусар, која ја пречека со високи државни почести.
По официјалната средба, Сиљановска-Давкова имаше и работен ручек со претседателот на Државниот збор на Словенија, Зоран Стевановиќ.
Во рамки на досегашната посета, претседателката положи венец пред Споменикот на жртвите од сите војни и жртвите поврзани со војните во Љубљана.
Таа ги посети и Македонската православна црква „Св. Климент Охридски“, како и македонските иселеници и претставници на македонските културни друштва во земјата.
Шефицата на македонската државата оствари средби и со членови на Македонско-словенечкиот бизнис-клуб, а во Крањ го посети Македонското културно друштво.