Македонија

Приемот на Македонија само би создал проблеми и потреси во ЕУ, смета бугарски европратеник

Според Илија Лазаров од партијата на експремиерот Борисов, Скопје не е подготвено ни да почне преговори за членство

Илија Лазаров, член на Европскиот парламент од Бугарија, смета дека Македонија не само што не е подготвена за членство во Европската Унија, туку тоа само би предизвикало проблеми и потреси во неа.

„Јас лично мислам дека Република Северна Македонија не е подготвена да започне какви било преговори за членство во Европската унија, бидејќи не можете да внесете проблеми и таква реторика на омраза во оваа заедница. Тоа само би создало проблеми и би придонело за потреси внатре во Унијата, доколку таа еден ден се присоедини“, изјави европратеникот од ГЕРБ на експремиерот Бојко Борисов за бугарското Радио Фокус.

Тој не се согласува со текстот во извештајот за напредокот на Македонија, според кој билатералните спорови не треба да бидат пречка за евроинтеграциите.

„Основен принцип на прифаќање во Европската унија уште од времето на Европската економска заедница е прво да се расчистат билатералните проблеми, за да не се внесат во Унијата“, потенцира Лазаров.

Најнови вести од: Македонија

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

To top