По претходна пријава од граѓанин за кривично дело „изнуда“ извршено од полицаецот Х.З. (48) во Одделот за криминалистички работи Гази Баба, Одделот за внатрешна контрола, криминалистички истраги и професионални стандарди при Министерството за внатрешни работи презеде соодветни мерки и активности за расветлување на случајот,.
„Поточно, граѓанинот пријавил дека Х.З., заедно со други лица, во неколку наврати побарале 20.000 евра, пари што синот на пријавителот наводно му ги зел. По ова, преземени се мерки и извршена е криминалистичко-техничка обработка на средствата, а на 25.12.2025 година во подрачјето на Центар, веднаш по доставата, Х.З. е приведен и при претрес кај него се пронајдени 20 банкноти од 50 евра.
Тој е приведен во полициска станица, а Единицата за борба против криминал при Полициската станица во Скопjе поднесе кривична пријава против Х.З. до Основното јавно обвинителство во Скопjе поради сомнение за сторено кривично дело „изнуда“ по член 258 од Кривичниот законик.
Одделот за внатрешна контрола ќе поднесе предлог против Х.З. за поведување постапка за утврдување дисциплинска одговорност и ќе му изрече задолжителна мерка отпуштање од работното место до завршување на дисциплинската постапка.
Во меѓувреме, судија во претходна постапка одреди мерки на претпазливост за обвинетиот“, се вели во соопштението на МВР.