Центарот за комуникации на СДСМ денес издаде остро соопштение во кое Јован Деспотовски, поранешен кандидат за претседател на партијата и актуелен член, е обвинет дека дејствува како „петоколонаш“ и „предавник одвнатре“, во наводна координација со членови на ВМРО-ДПМНЕ и ЗНАМ за дестабилизација на СДСМ преку медиумска кампања.
Според соопштението, целта на оваа „акција“ е да се ослаби партијата токму во моментот на нејзиниот „подем“, а зад неа стојат СНС и Александар Вучиќ, со цел да се заштитат бизнис-зделките со премиерот Христијан Мицкоски.
Деспотовски е обвинет дека, по поразот на внатрепартиските избори од актуелниот претседател Венко Филипче, од лични амбиции и фрустрации ја „урива партијата одвнатре“, соработувајќи со сили што се споредени со „фашистички окупатори“ и „Квислинзи“.
„Јован Деспотовски им се приклучи заради лични амбиции и фрустрации – продаде сè што претставува СДСМ, ги предаде сите нас, членовите на СДСМ. Како што вели народот: ја продаде верата за вечера“ – се вели во соопштението.
Фразата „продаде вера за вечера“ е директно поврзана со насловни страници од медиуми блиски до Вучиќ од периодот на конфликтот меѓу Зоран Заев и српскиот претседател, што дополнително ја зајакнува перцепцијата за контрадикторност во партискиот наратив.
Целата вест за внатрепартиската војна во СДСМ на порталот на плусинфо