Македонија

Разбиена тутунска мафија во Скопје, Тетово, Кичево, Гостивар и Струга – одземени цигари вредни над милион денари

Државниот пазарен инспекторат на 17 и 18 ноември годинава извршил инспекциски надѕори на територијата на Скопје, Тетово, Гостивар, Кичево и Струга кај 23 правни субјекти, кои вршат трговија на мало со тутун и со производи од тутун. При извршените инспекциски надѕори кај 16 правни субјекти затекнати се количества на тутунски производи, за кои фирмите немаат документи за набавка од добавувач, ниту потребни ознаки – акцизни марки.

1 минута за читање

Согласно со законските надлежности, затекнатите производи во количество од над 3000 пакувања со вредност поголема од еден милион денари, се привремено одземени и предадени во Агенцијата за управување со одземен имот на Република Македонија.


За констатираните прекршоци Државниот пазарен инспекторат, постапувајќи согласно со законските надлежности, издаде прекршочни платни налози. Државниот пазарен инспекторат за констатираните неправилности достави известување и до другите надлежни институции, Царинската управа и Министерството за внатрешни работи, заради нивно понатамошно постапување.

Државниот пазарен инспекторат ќе продолжи со спроведувањето инспекциски надѕори, заради откивање и казнување на незаконската трговија на територијата на Република Македонија согласно со своите законските надлежности. Акцијата е дел од посветеноста на Државниот пазарен инспекторат за борба против корупцијата и криминалот.

Нетпрес

Поврзани теми:

тутунска мафија|Државен пазарен инспекторат|актуелно

Најнови вести од: Македонија

Пал Заранди: Со влезот на „One Macedonia“ ќе се активира конкуренцијата, граѓаните да внимаваат на двегодишни договори

Покрај мобилните услуги, компанијата има амбиции да понуди и домашен широкопојасен интернет базиран на 5Г технологија, особено имајќи ја предвид ограничената конкуренција на пазарот на фиксен интернет во земјава. Со ваквиот пристап, One Macedonia најавува дека ќе се обиде да изгради долгорочна доверба со корисниците и да понуди реална и фер алтернатива на постојните телекомуникациски услуги на македонскиот пазар.

Заминете за доброто на МАНУ, екс претседателот со апел до првиот човек на националната академија

Во колумна за состојбите во националната академија екс претседателот на МАНУ Љупчо Коцарев го обвинува актуелниот прв човек на институцијата за хаосот што се случува во телото што го водат “најмудрите” во Македонија

Без чадор не излегувајте од дома – Обилни врнежи од дожд во цела Македонија

Под влијание на циклонска активност во текот на ноќта и утре ќе има врнежи од дожд, што наместа ќе бидат пообилни – над 30 литри на квадратен метар, проследени со ретки грмежи. На планините, врнежите ќе бидат од снег, информираа денеска од Управата за хидрометеоролошки работи.

Утре на пладне балканскиот траспорт под целосна блокада против Шенген правилата на ЕУ

Точно напладне в понеделник, на 26 јанури, превозниците ќе блокираат 10 гранични премини со 370 камиони револтирани поради новите правила за влез и излез од Шенген зоната. Затворени исклучиво за товарен сообраќај ќе бидат премините Деве Баир, Делчево, Ново Село, Дојран, Богородица, Меџитлија, Ќафасан, Блато и Блаце, а Табановце – Прешево ќе биде затворен од српска страна.

Му се заканува ли еколошка катастрофа на Охридскоро езеро и рибниот фонд?!

Полициските извештаи сведочат за редовни акции во кои се запленуваат километарски мрежи, чамци и стотици килограми незаконски уловена риба.За илустрација во периодот на мрест, од 1 декември кога е на сила е целосна забрана за лов,запленети се 26 рибарски мрежи и 1.465 единки белвица. Спортските риболовци,без задршка  кажуваат дека дневно од страна на рибократците се изловиваат од 500 кг до 1 тон риба.

Зошто македонскиот пасош е бордо и што значат боите на другите патни исправи ширум светот?!

Патната исправа најчесто се поврзува со членство во економски и политички сојузи. Сите земји на Европската Унија користат бордо пасоши. Велика Британија, по напуштањето на ЕУ, ја промени бојата на своите пасоши од бордо во сина. Швајцарија ја користи црвената боја во согласност со своето знаме, додека Турција, како земја-кандидат за ЕУ, исто така се одлучи за бордо. Во минатото, црвената боја била присутна и во земји со социјалистичко или комунистичко наследство.

Куп пропусти: Уништени над 355 тони отровна храна, изречени казни од 618.000 евра

Контролите ги спровеле официјалните ветеринари и инспекторите за храна и опфатиле домашно производство и промет, дистрибуција, угостителски објекти, како и увоз и извоз на храна и добиточна храна. Посебен фокус бил ставен на почитувањето на добрата хигиенска и производствена пракса, НАССР системот за безбедност на храната, правилното означување на производите и здравствената заштита на животните. Од АХВ велат дека инспекциските надзори биле спроведувани врз основа на проценка на ризик.
Сите вести од Македонија

Најнови вести

To top