Македонија

Родител на дете фудбалер на „Шкупи“ нападнал и повредил деца фудбалери на „Брегалница“

Тежок иницидент во Штип

43-годишен родител на фудбалер од скопскиот фудбалски тим „Шкупи“ физички нападнал и повредил два малолетни фудбалери на „Брегалница“ за време на одигурвање на фудбалски натпревар помеѓу младинските екипи на двата тима одигран на игралиштето „Бело Брдо“ во Штип, велат од Министерството за внатрешни работи.

Оттаму велат дека двајцата малолетници биле пренесени во Клиничката болница во Штип за укажување помош, а веднаш по нападот, напаѓачот бил уапсен од полициски службеници од СВР Штип.

„Известен е јавен обвинител и се преземаат мерки за целосно расчистување на настанот, по што ќе бидат поднесени соодветни пријави“, велат од Министерството за внатрешни работи.

Од штипската Клиничка болница велат дека на повредените фудбалери првично им биле констатирани телесни повреди, а Генералниот секретар на фудбалскиот клуб „Брегалница“, Александар Иванов за МИА изјави оти инцидентот се случил кон крајот на натпреварот откако судуијата му доделил црвен картон на еден од фудбалерите на „Шкупи“. Инаку, станува збор за фудбалери од генерацијата 2009-2010 година, а и двајцата повредени се на возраст од 15 години.

Неофицијално, веднаш по исклучувачкиот старт, дел од присутните родители на гостинските играчи влегле на теренот и ги нападнале играчите на „Брегалница“.

Најнови вести од: Македонија

Мицкоски: Нашата борба не е само за избори, туку и за душата на Македонија, за држава, што ќе нè спои, а не да нè дели

„Моментот, што го чекале генерации, е пред нас, време е за ресет на системот, време е да ги скршиме веригите на неправдата и да изградиме држава на правда, слобода и грижа за секого. Оваа наша борба не е само за избори – ова е борба за душата на Македонија. За држава што ќе нè спои, а не ќе нè дели. За иднина, во која никој нема да биде поважен од другиот и во која секој ќе има еднаква можност да успее.“ – порача од синоќешниот митинг во Тетово претседателот на Владата на Република Македонија и лидер на ВМРО ДПМНЕ Христијан Мицкоски.

Тошковски: Осум години уништување не се бришат со папагалско повторување на зборот „оставка“!

Министерот за внатрешни работи Панче Тошковски на неговиот Фејсбук профил реагира на најновиот бран неосновани и политички мотивирани напади од страна на СДСМ, оценувајќи ги како обид да се прикрие очајот и стравот од одговорност поради осумгодишното уништување на системот и институциите.

To top