Македонија

Сали до Ахмети: Зошто вашето семејство купи акции од Мијалков и тие завршија во банката на Вучиќ? Колку милиони евра чини вашиот „патриотизам“?

„Политичката афера на лидерот на ДУИ Али Ахмети и неговата партија ДУИ е и криминал, што бара итна одговорност!“ – став на коалицијата Вреди, кој го искажа пратеникот од нејзините редови Беким Сали.

„Беким Сали, пратеник од коалицијата Вреди денес на прес-конференција нагласи дека четврти ден по ред во ДУИ владее молк и паника во врска со аферата со продажбата на акции на српска банка од страна на член на семејството на Али Ахмети.“ – објави информативниот портал на албански јазик „Алфакс“.

Порталот ја пренесува изјавата на Беким Сали: Фактите се јасни. „АС Сењак“ е компанија со минимален број вработени и без реална активност, но има промет од милиони евра. Приходите речиси целосно се совпаѓаат со тендерите, што ги добиваат општините, со кои раководи ДУИ. Со тие пари акции се купуваат од компанија во сопственост на Мијалковиќ, а потоа се продаваат на банката на Вучиќ. Само шест дена по продажбата, општина раководена од ДУИ, ѝ доделува на „АС Сењак“ два нови договора со вредност од 90 милиони денари – еден и пол милион евра. Ова не може да се нарече случајност, туку исплата и награда за успешно завршена операција.

И поради оваа причина прашуваме: Али Ахмети, зошто вашето семејство купи акции од Сашо Мијалков? Зошто тие акции завршија во банката на Вучиќ? Дали тендерот од еден и пол милион евра беше цената за тој договор? Колку станови, колку тендери и колку милиони евра чини вашиот „патриотизам“?

Ова а не е само политичка афера, туку и криминал што бара итна одговорност. Парите на граѓаните беа искористени за лични бизниси и за договори со структури, што работат против интересите на Албанците. Времето на молчење заврши. Сега е време за вистина и правда. – заклучува пратеникот од Вреди Беким Сали, објави „Алфакс“.

Најнови вести од: Македонија

Актуале: Левица отворено соработува со НАИ на Али Ахмети и ДУИ во вториот изборен круг во Струга, Тетово и Скопје!

Информативниот портал на албански јазик „Актуале“ ја констатира, како што нагласува, „веќе видната соработка на Левица на Димитар Апасиев со НАИ на Али Ахмети и ДУИ за 2 ноември“.

Апсурди на ДУИ: бара предвремени парламентарни избори и, ако би се вратила во владата, да не одговара пред премиерот, туку пред граѓаните?!

Пренесувајќи го ставот на неговата партија ДУИ и нивната опозициска коалиција Национална алијанса за интеграција (НАИ), Арбер Адеми со барањето да се одржеле предвремени парламентарни избори поправо се обидува да ги оспори резултатот од ланските парламентарни избори и политичката волја на граѓаните, кои гласале за ВМРО ДПМНЕ и другите партии, што ја сочинуваат сегашната Влада на Република Македонија. „Ќе треба да се одрази вистинската волја на граѓаните во составот на владејачките институции!“ – бара Арбер Адеми во име на ДУИ и НАИ, но дали мисли дека лани не била одразена вистинската волја на граѓаните?! Само затоа што ДУИ не е повеќе на власт, по две децении, би морала да им се исполни незгасливата желба да бидат доживотно во власта, па пак да се оди на парламентарни избори – барања и ставови на ДУИ, кои се далеку од реалноста и нормалната политичка пракса во секоја држава во Европа и светот.

To top