Македонија

СДСМ потврди: Филипче поседува виза, но не поради инвестиции или имот во Дубаи

СДСМ потврди дека лидерот на опозициската партија Венко Филипче поседува „златна виза“ од Дубаи, но демантира дека ја поседува на основа на стекнат имот или инвестиција во овој емират. – ВМРО-ДПМНЕ во целосна безидејност продолжува да лаже иако претседателот на СДСМ, Венко Филипче јасно кажа дека не поседува никакви инвестиции ниту имот во Обединетите Арапски […]

2 минути за читање

СДСМ потврди дека лидерот на опозициската партија Венко Филипче поседува „златна виза“ од Дубаи, но демантира дека ја поседува на основа на стекнат имот или инвестиција во овој емират.

– ВМРО-ДПМНЕ во целосна безидејност продолжува да лаже иако претседателот на СДСМ, Венко Филипче јасно кажа дека не поседува никакви инвестиции ниту имот во Обединетите Арапски Емирати.

Филипче поседува виза која не е добиена на основ на никакви инвестиции или сопственост на имот.

ВМРО-ДПМНЕ наместо да лаже во континуитет и да се обидува да дефокусира, треба да почне да реализира нешто за граѓаните кои од оваа власт освен неспособност, лаги и напади на опозицијата ништо друго не виде веќе цела година,соопшти СДСМ.Од друга страна ВМРО-ДПМНЕ го прозва Филипче да објасни на каков начин ја стекнал оваа „златна виза“.

– Филипче молчи за потеклото на златната виза за Дубаи, која може да се добие само преку инвестиции. Филипче 3 месеци ја лаже македонската јавност. Прво велеше дека нема виза, па потоа призна дека има. Овие менувања на ставови на Филипче, не се нови

Лаги и менување на ставови на дневна основа, правеше неговиот ментор, Зоран Заев. Филипче како чирак и ученик на Заев, продолжува по неговите стапки. Ем лаже, ем манипулира, ем златна виза за Дубаи. Македонската јавност заслужува одговори. Филипче мора да одговори на тоа од каде му е нему златна виза и како дошол до неа? Дали има приватен бизнис кој го крие од јавноста? Дали можеби Филипче има удел во бизнисот на Заев за градење 50 катница во Дубаи? Филипче и Заев треба да се минато во македонската политика и да одговараат за нивните предавства и криминал. Филипче, Заев и СДСМ се синоним за неспособност, криминал и предавство, се вели во соопштението на ВМРО-ДПМНЕ.Претседателот на СДСМ пред три дена во поткастот „Политиканти“ кажа дека има златна визa за Дубаи. Тој рече дека меѓутоа таа  „не е поврзана со никаква форма на инвестиции“.

Најнови вести од: Македонија

Новиот Закон за пушење не е применлив кај нас, реагираат производителите на цигари

Двете држави се разликуваат по многу параметри. Во Македонија суровиот тутун е стратешка земјоделска култура, чии одгледување, производство и откуп се стимулирани од државата, а во земјата активно работат и две фабрики за производство на тутунски производи, кои имаат голем удел во приходите на државниот буџет, извозниот капацитет и вработуваат македонски граѓани, се вели во реакцијата против новиот предког-закон.

Клековски најави процентуално зголемување на платите во јавното здравство од март

„Остануваме посветени и со силна поддршка за натамошно зголемување на платите во здравстевниот сектор во смисла на соодветно вреднување на работата на здравствените работници како предуслов за квалитетна работа.“ – изјави директорот на Фондот за здравствено осигурување, Сако Клековски, на денешната прес-конференција во Владата.

Ивор Мицковски: Вакво криминално и кавгаџиско раководство не памети СДСМ во својата историја, со него нема иднина ни тој ни државата!

„Вакво арогантно, клановско, племенско, извалкано, криминално и криминогено, тесно и финансиски зависно, просто и некултурно, кавгаџиско, а испразнето од секаква политичка тежина и цел, освен личниот спас од кривична одговорност – е вакво штетно раководство некогаш најголемата опозициска партија СДСМ не памети во својата историја.“ – нагласува новинарот Ивор Мицковски во својата објава на фејсбук.

ВМРО ДПМНЕ: Проблемот е криминалот на Филипче и на Заев, што ја доведе СДС на толку ниски гранки, а не медиумите

„Филипче треба да знае дека проблемот не се медиумите, ниту ВМРО-ДПМНЕ, туку неговиот и криминалот на Заев кои ја доведоа СДС на толку ниски гранки. Очигледно портпаролката Боданка Кузеска кога е на зимување, ја заменува Венко Филипче. Од пресот на Филипче може да се заклучи дека СДС е партија на многу интриги и проблеми.“ – реагира ВМРО ДПМНЕ.

Мицкоски: Со реконструкција на булеварот „Теодосија Паунов“ во Кочани граѓаните ќе добијат современа сообраќајна артерија

Со инвестиција од 88.9 милиони денари, финансирана од Владата преку Министерството за транспорт, Општина Кочани ја реализира реконструкцијата на булеварот „Теодосија Паунов“, кој опфаќа дел од потегот од спојот со улицата „Киро Кикенски“ до спојот со улицата „Генерал Апостолски“, односно последниот кружен тек. Вкупната должина на булеварот кој е предмет на овој проект изнесува 2.015 метри, објави на социјалните мрежи премиерот Христијан Мицкоски.

Одбележани 25 години од нападот на полициската станица во Теарце во 2001 и загинувањето на полицаецот Момир Стојановски

Одборот на бранители на Македонија во тетовско Теарце организираше комеморативен собир со цел да се одбележат 25 години од загинувањето на полицаецот Момир Стојановски (29) при терористички напад со ракетен фрлач врз полициската станица на 22 јануари 2001-та што се смета за почеток на оружениот конфликт во текот на годината. При нападот тешко ранет беше полицаецот Давор Евросимовски, а со полесни повреди добија Борче Ѓуровски и Јахи Лика.
Сите вести од Македонија

Најнови вести

To top