Извршниот одбор на СДСМ на денешната седница одобри кандидатури за градоначалници во 11 општини за претстојните локални избори во земјава.
Членовите на одборот одлучија Оливера Ливриниќ да биде кандидатка за градоначалничка на Бутел, Маја Хеско за Велес, Миле Атанасов за Гевгелија, Дејан Глинџарски за Делчево, Лазар Петров за Демир Капија и Благој Илиев за Конче. За градоначалник на Кратово е предложен Влатко Спировски, за Кривогаштани Игор Каравиловски, за Македонски Брод Ивица Стојковски, за Ранковце Даниел Крстевски, а за Старо Нагоричане Далибор Трајковски.
-СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините, велат од партијата.