Македонија

СДСМ Свети Николе: Го очекуваме другарот Заев на интерконтинентален крузер на Кариби, Хаваи или Панама, а не на вакво јахтиче

Од постот не може да се разбере дали партиските другари на Заев се сериозни или тераат мајтап со својот неформален шеф

Општинската организација на СДСМ во Свети Николе застана во одбрана на Зоран Заев.

Од СДСМ Свети Николе очекуваат другарот Заев да се слика на интерконтинентален крузер на Кариби, Хаваи или Панама, а не на мало јахтиче кое вреди стотици илјади евра.

,,Семејството Заеви преку 35 години има семејни бизниси кои се домашно и извозно ориентитани.
Само претходната година, според завршните сметки компаниите на семејството Заеви имаат платено во државниот буџет данок на добивка од околу 10 милиони евра. На ова ако се додаде ДДВ, персонален данок, придонеси за вработени излегува дека компаниите плаќаат во фондовите и државниот буџет најмалклу околу 50 милиони евра годишно.
Фирмите деловните односи ги имаат и внатре во државата, но претежно со извоз на производи кои се произведени во Македонија”, пишуваат од СДСМ Свети Николе.

Според нив скоро да нема држава во светот каде што ги нема овие македонски прозводи од преработени земјоделски производи.
,,Уплатените средства од овие фирми, како и од сите други, нормално се трошат за плати на администрацијата која е 90% составена од членови на дпмне, за патни трошоци, паушали, манго и папаја, правење прослави и журки, изнајмување авиони, исплати за паразити во Лотарија, подмитување на новинари, тендери, членување во управни и надзорни и др.

Ако се земе предвид колкави сопствени приходи и профити се прават само за една година во компаниите на Заеви очекувањата се да го видиме другарот Заев на интерконтинентален крузер на Кариби, Хаваи или Панама, а не да ги нервира вМороните со вакво јахтиче во Пефкохори”, сметаат од СДСМ

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

To top