Македонија

Се бара притвор за Рустеми и Саити од „Комунална хигиена“

Поради опасност од влијание врз сведоците и можноста за повторување на делото, јавниот обвинител до Основниот кривичен суд Скопје достави предлог за определување мерка притвор за двајцата осомничени

Јавното обвинителство отвори истрага против директорот на скопското јавно претпријатие „Комунална хигиена“, Сабахудин Рустеми, како и против раководителот во претпријатието, Аки Саити, кои полицијата вчера ги уапси поради несобирањето на сметот во Скопје.

„Основното јавно обвинителство Скопје донесе Наредба за спроведување истражна постапка против 2 лица поради сомненија за сторено кривично дело – Загрозување на животната средина и природата со отпад од член 230, став 1 од Кривичниот законик. Осомничените, од кои едниот в.д. директор, а другиот управител за отпад во ЈП „Комунална хигиена“ – Скопје, заедно постапиле спротивно на Законот за управување со отпадот и на својата основна дејност за редовно собирање и транспортирање безопасен отпад на подрачјето на Град Скопје, како и на обврските предвидени во Оперативната програма за собирање и транспортирање на комуналниот отпад и на Оперативниот план за одржување на јавната чистота во Градот“, соопшти Јавното обвинителство.

Со пропуштање на целосниот надзор над собирањето и транспортирањето на комуналниот отпад, како и со непрописното управување со отпадот, тие овозможиле во текот на овој месец да се создадат мали депонии на јавните и на сообраќајните површини, во близина на предвидените садови за собирање комунален отпад, се додава во соопштението.

„Со тоа предизвикале значително оштетување на квалитетот на почвата, воздухот и на водата и го довеле во опасност животот и здравјето на луѓето од предизвикување заразни или други болести. Ваквите сомненија се утврдени и констатирани со вонредните инспекциски надзори од овластените локални инспектори за животна средина, кои излегоа на терен по насоки на Јавното обвинителство, како и со експертско мислење за влијанието на отпадот врз јавното здравје и можноста за ширење заразни заболувања од ЈЗУ Институт за јавно здравје на РСМ“, се веливо соопштението од Обвинителството.

Поради опасност од влијание врз сведоците и можноста за повторување на делото, јавниот обвинител до Основниот кривичен суд Скопје достави предлог за определување мерка притвор за двајцата осомничени.

За сторено кривично дело – Загрозување на животната средина и природата со отпад од член 230, став 1 од Кривичниот законик предвидена е казна од една до 10 години затвор.

Директорот на „Комунална хигиена“ беше приведен вчера:

 

Најнови вести од: Македонија

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

„КАЖИ НЕ!“ – кампања на МВР против сексуалната злоупотреба на деца во дигиталниот простор (ВИДЕО)

Целта на кампањата е да се подигне свеста кај децата, младите, родителите и пошироката јавност за препознавање и спречување на сексуалната злоупотреба во дигиталниот простор

Јовановски: На негирањата на македонската историја ќе одговориме со научна храброст и смиреност

„Од национални приказни до испреплетени истории“ е насловот на дводневната меѓународна конференција што ја организира Институтот за историја при Филозофскиот факултет на УКИМ по повод 80 години од неговото основање. Програмата опфаќа неколку пленарни и тематски сесии посветени на историските процеси, националните наративи, културните и дипломатските односи, како и на современите пристапи во историските истражувања. Учесниците ќе се претстават со реферати за историјата на Македонија од средновековниот период до современата државност, за односите на Балканот, османлискиот период, светските војни и меѓународните историски влијанија.

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

To top