Македонија

Се продолжува кризната состојба за нафтата и нафтените деривати за уште шест месеци

Собранието претходно во два наврати ја продолжи кризната состојба откако беше воведена по случувањата на Блискиот Исток, кои доведоа до блокада на снабдувањето на меѓународните пазари со нафта и нафтени деривати.

2 минути за читање

Со 70 гласа „за“ и без гласови „против“ и „воздржани“, Собранието денеска ја донесе одлуката за продолжување на кризната состојба за нафтата и нафтените деривати до 20 април 2027 година. Со ова се продолжува претходната мерка изгласана на 20 јули годинава, чија важност истекува утре. Како што наведуваат од Владата во образложението на одлуката доставена до Собранието, причините за прогласување на кризната состојба остануваат непроменети, бидејќи ризиците и опасностите од можна нестабилност сè уште не се надминати.

Според владините информации, Групата за процена на ризици и опасности на почетокот на овој месец ги разгледала состојбите со снабдувањето со стратешки енергенси. Поради постојните закани од пореметувања на пазарот, како и евентуални пречки и блокади при увозот на нафта и нафтени деривати во земјава, Групата препорачала преку Управувачкиот комитет до Собранието да се достави предлог за продолжување на кризната состојба со цел заштита на снабдувањето на населението.

Инаку, пред десетина дена премиерот Христијан Мицкоски рече дека кризната состојба ќе биде продолжена за уште шест месеци. Тој рече дека доколку има смирување на состојбата околу снабдувањето со нафта и нафтени деривати на меѓународните пазари, кризната состојба во земјава ќе биде укината.

Собранието претходно во два наврати ја продолжи кризната состојба откако беше воведена по случувањата на Блискиот Исток, кои доведоа до блокада на снабдувањето на меѓународните пазари со нафта и нафтени деривати. Продолжувањето на кризната состојба ѝ овозможува на Владата координирано да управува со состојбата и со примената на мерки за обезбедување сигурно снабдување со енергенси.

Утре истекува и мерката за намалување на ДДВ за дизелот од 18 на 10 отсто, што беше донесена од Владата со цел да се влијае врз малопродажните цени на горивата и да се ублажат надворешните ценовни притисоци.

Поврзани теми:

Собрание|Блиски исток|нафта|БДП|гласање|кризна состојба|горива|топ|пратеници|актуелно|избор|Македонија

Повеќе на оваа тема:

Најнови вести од: Македонија

(Фото): Лукровски во Охрид ја подигна наградата „Младински пријателски град“

Пораката од форумот беше дека квалитетната младинска работа и функционалните младински центри се клучни за враќање на довербата на младите во институциите и создавање услови тие својата иднина да ја градат во сопствените општини.

(Фото): Средба Николоски-Сивањанам: Потврда на стратешкото партнерство, силни инвестиции со поддршка на Велика Британија

Двајцата говорници ја потврдија заедничката заложба за продолжување и интензивирање на соработката и натамошно унапредување на стратешкото партнерство во интерес на двете земји.

Уште во 2023 претходната влада на СДСМ и ДУИ стапила во деловни односи со „Алта банка“ – Белград и Давор Мацура од Србија, дозволувајќи им влез во РМ

Претходната влада на СДСМ и ДУИ влегла во деловни односи со Алта банка – Белград и Давор Мацура во Србија уште во 2023 година кога на владина седница била донесена одлука да го овласти државниот правобранител во име на владата да ги отуѓи акциите што Македонија ги имала во српска банка, која Алта банка ја купува. Тогаш државата влегла во деловен однос со Алта банка и Давор Мацура. Купувањето на Стопанска банка АД Битола од страна на Алта банка не е поврзано во никој случај со сегашната Влада бидејќи станува збор за две правни лица и трансакцијата е во согласност со сите прописи, закони и со Уставот, изјави денеска премиерот Христијан Мицкоски.

Мицкоски: Предвремени парламентарни избори ѝ одговараат на ВМРО-ДПМНЕ, но неодговорно е да се одржат, оти ѝ штетат на Македонија

Христијан Мицкоски, премиерот и лидер на ВМРО-ДПМНЕ, смета дека во моментот е неодговорно кон државата да се организираат предвремени парламентарни избори иако, како што вели, ако се гледа од политички аспект на неговата партија, тоа ѝ одговара.

Народната банка на Македонија и гувернерот Славески поднесоа кривични пријави против Филипче, Димитриевиќ и Жерновски во врска со „Алта банка“!

Народната банка и гувернерот Трајко Славески поднеле кривична пријава против претседателот на СДСМ, Венко Филипче, и против генералниот секретар на партијата, Александар Саша Димитријевиќ, во врска со случувањата со Алта Банка АД Битола.

„Непостојниот“ македонски јазик и идентитет во концепцијата на Антоан Меје за „новата Европа“ – 26 години пред АСНОМ и кодификацијата (2)

Од денешна перспектива, придонесот на Меје може да се оцени на неколку нивоа. На балканско ниво неговото дело претставува аргументиран научен отпор кон обидите македонските говори целосно да се подведат под српскиот, или бугарскиот јазичен концепт. На европско ниво неговото значење произлегува од фактот што оваа анализа ја објавува еден од најугледните европски лингвисти, во Париз, во дело посветено на јазичната карта на Европа. Македонија  и македонскиот јазик на тој начин стануваат предмет на разгледување во една поширока европска научна дискусија за јазиците, нациите и државите.
Сите вести од Македонија

Најнови вести

To top