Македонија

Шефот од Дубаи се вклучи во кампањата за да му помогне на Филипче

Денешната реакција на поранешниот лидер на СДСМ Зоран Заев на обвинувањата за наводни куферчиња пари од поранешниот премиер на Бугарија, од ВМРО-ДПМНЕ ја оценуваат како израз на паника и страв.

Денешната реакција на поранешниот лидер на СДСМ Зоран Заев на обвинувањата за наводни куферчиња пари од поранешниот премиер на Бугарија, од ВМРО-ДПМНЕ ја оценуваат како израз на паника и страв. Според потпретседателот на ВМРО-ДПМНЕ Александар Николоски, реакцијата на Заев е доказ дека лидерот на СДСМ во сенка е токму Зоран Заев.

– Човекот кој ги нанесе најголемите национални порази на Македонија, најголемите национални предавства и во чие што време криминалот цветаше и се случија најголемите корупциски афери, наеднаш се појавува во кампањата за да му покаже и на Венко Филипче и на СДСМ кој во суштина ја води партијата. А дека имаат концесии кон источниот сосед многу јасно говори и декларацијата што ја понудија во македонското Собрание на само неколку дена пред почетокот на кампањата, која очигледно Заев ја пишувал, а Венко Филипче ја поднесе – рече Николоски на денешната прес-конференција.

– Многу е јасно дека ваков СДСМ има само една цел, а тоа е да заштити одредени елити во рамки на самата политичка партија и затоа е толку голем отпорот кон реформи во судството и во обвинителство и тоа е последниот бастион на неколку елити во СДСМ. Овој СДСМ служи само на Зоран Заев и на ДУИ и Али Ахмети, кои гледаат повторно можност и шанса во политиката – рече Николоски.

Затоа, според Николоски, е потребна масовна референдумска излезност на изборите и тие да завршат уште во првиот круг на 19 октомври.

Поранешниот лидер на СДСМ Зоран Заев денеска преку објава на Фејсбук одговори на обвинувањата од лидерот на ВМРО-ДПМНЕ за наводни „куферчиња пари од поранешен премиер на Бугарија“. Во објавата, Заев ги отфрли ваквите обвинувања како лаги и клевети, оценувајќи дека станува збор за обид на премиерот Христијан Мицкоски да го пренасочи вниманието на јавноста од неговите, како што вели, неуспеси.

Најнови вести од: Македонија

Мицкоски: Кичево има историска можност да избере градоначалник на соживотот, кој не прашува „чиј си“, туку „што можеме да направиме заедно“!

„Ние, како како Влада, ќе го помагаме Кичево максимално, да го подобри животот на сите негови граѓани. И тука нема етничка приказна, туку сосема човечка димензија. Ова не е повик за етничко гласање, туку за гласање за човек, за човек Македонец со сопруга Албанка, кои се пример за вредности и сила, човек кој ќе работи за сите, за своите кичевчани!“ – порача претседателот на Владата на Република Македонија и лидер на ВМРО ДПМНЕ Христијан Мицкоски од митингот вчеравечер пред платото на Филхармонијата во Скопје.

Здружението на косовската УЧК ќе одржи во декември „мирен протест во Скопје на Албанците“ против судењето во Хаг на нејзините водачи

„Ќе одржиме мирен протест и во Македонија, бидејќи таму ги имаме нашите браќа-Албанци.“ – изјави претседателот на „Организацијата на воени ветерани“ на косовската УЧК Хисни Гуцати, најавувајќи го протестот во македонската метропола против судењето во Хашкиот трибунал на четворицата некогашни водачи на поранешната „Национална ослободителна армија“ – УЧК од Косово.

Мицкоски: Државава е веќе консолидирана по затекнатиот распад и пустошот! По изборите следат жестока работа и големи резултати!

„Го расклопија системот парче по парче, како да бил нивни личен имот. Но ние сега градиме систем, што во иднина ќе функционира без оглед на тоа кој е на власт, долгорочно и со коренити промени, затоа што државата не е ничија приватна фирма, туку наш заеднички дом.“ – рече премиерот на Република Македонија и лидер на ВМРО ДПМНЕ Христијан Мицкоски на завршниот митинг во Скопје пред гласањето за вториот круг на локалните избори в недела.

(Фото): Управниот одбор на „Комуналец“ Скопје, ја разобличи манипулацијата на Данела Арсовска

Би сакале да ве потсетиме и дека во текот на изминатите четири години токму вие именувавте пет в.д. директори на ЈП Комунална хигиена – Скопје и разрешивте четири од нив, стои во документот на УО, насловен како „Итна ургенција“, а кој беше испратен до медиумите.

Најнови вести

To top