Македонија

Што ќе му се случи на Филипче ако не се крие зад пратеничкиот имунитет

Да е Филипче храбар и да не се крие зад пратеничкиот имунитет ќе беше многу интересно на Бихаќка и во судовите

2 минути за читање

На лидерот на СДСМ Венко Филипче ќе му се случи најмалку еден судски процес ако не се крие зад пратеничкиот имунитет додека се пресметува со премиерот Мицкоски и своите сопартијци.

Извори во платформата 12:05 тврдат дека ако Филипче се охрабри и своите навреди и обвинувања не ги кажува пред собраниската говорница ќе биде тужен за клевета и навреда.

Од повеќето луѓе кои ги навреди Филипче најмногу право за тужба има пратеничката Славјанка Петровска која од лидерот на СДСМ беше обвинета дека е корумпирана.

Петровска ги отфрли обвинувањата како целосно неточни. Таа изјави дека одлуката за набавка на хеликоптерите била донесена уште во 2023 година, што е уредно документирано во Министерството за одбрана.
Петровска нагласи дека ваквите наводи изнесени од Венко Филипче се дел од иста координирана теза чија цел е да се нарушат нејзиниот углед и репутација во период кога таа е политички поактивна во партијата.

На прес-конференција, лидерот на СДСМ, Венко Филипче, остро ја нападна Петровска поради нејзиното учество во внатрепартиската опозициска платформа „Разговори за иднината во 12:05“. Тој иронично праша дали мотивите за нејзините критики се кријат во набавката на хеликоптерите, додавајќи ја метафората: „Да не излезе дека Дејвид Гета може вода да ѝ носи“.
Со тоа Филипче меѓу редови ја обвини Петровска дека е корумпирана.

Веднаш по оваа јавна расправија меѓу сопартијците, владејачката ВМРО-ДПМНЕ излезе со барање до Јавното обвинителство да отвори предмет по допрен глас и да го сослуша Филипче за, како што наведоа, „криминалот на Петровска тежок 37 милиони евра“.

Поврзани теми:

топ|Филипче|славјанка петровска

Повеќе на оваа тема:

Најнови вести од: Македонија

Стопанската комора добитник на меѓународна награда за општествена одржливост

Иницијативата на Стопанската комора на Македонија за унапредување на декарбонизацијата и корпоративната одржливост е меѓу трите највисоко оценети иницијативи од целиот свет на ISAR Honours 2026, признание на Меѓувладината работна група на експерти за меѓународни стандарди (ISAR) при УНКТАД – UN Trade and Development.

„Н.М“: Европската цел не значи дека секоја понуда од ЕУ е автоматски добра за Македонија, сѐ треба да се одмери колку им одговара на македонските интереси!

ЕУ-интеграцијата не е линеарен пат од кандидат до полноправна членка Повод: Британија ги преиспитува односите со ЕУ, зошто Македонија да не ги преиспита своите? Од царинска унија и единствен пазар до секторско поврзување – европската интеграција има повеќе степени, а македонската политика премногу често ја сведува на формулата „уставни измени или застој“ Британската политика повторно […]

По совет на Лаен Мицкоски побарал од Муцунски официјално да закаже средба со неговата бугарска колешка следната седмица во Софија

Премиерот Христијан Мицкоски на заедничката прес-конференција во Скопје со претседателката на Европската комисија, Урсула фон дер Лаен, одговарајќи на новинарско прашање како таа го прифатила неговиот предлог ЕУ да се вклучи во разговорите на Македонија со Бугарија, рече дека го советувала како прв чекор да се побара официјална билатерална средба за време на посетата на министерот за надворешни работи и надворешна трговија Тимчо Муцунски на Софија следната седмица.

Пропагандниот циркус „Враќање на моштите на бугарскиот цар Самуил“ на Радев, Каракачанов, Јотова – пренасочување на вниманието на јавноста (1)

На 23 дена до одржувањето на изборите за нов претседател на Бугарија бугарските политичари, предводени од сѐ помалку популарниот премиер Румен Радев, организираат пропаганден циркус „Враќање на коските на бугарскиот владетел Самоил во татковината“. Во бугарската јавност и меѓу тамошни експерти наидува и на тешка иронија, остри критики и коментари дека е „уште една бугарска трагикомедија“, „операција заради одвлекување на вниманието на гневната јавност и населението од економските неуспеси на владата и Радев лично“, но и како „предизборна пропаганда“ и „претстава за јавноста“ во екот на предизборната кампања спроти изборите за нов шеф на бугарската држава, закажани за 25 октомври 2026 година. Во бугарската јавност и на тамошните општествени мрежи веќе кружат негативни и зајадливи коментари во стилот „бугарскиот народ гладува и нема пари за леб и да плаќа сметки, а власта прави циркуси со коски“, „народот сака да купи месо без коски, а тие нам ни нудат коски, кои се за во музеј“ и „покрај коските, кога ќе му го земете и духот на Самоил, кога ќе го донесете и него во Бугарија“?!

Министерот Велковски го отвори новиот Центар за лица со попреченост во Кочани

Новиот Центар за лица со интелектуална и комбинирана попреченост е сместен во Комплексот „АСНОМ“ во простории кои претходно беа руинирани и напуштени. Општината комплетно ги реновираше
Сите вести од Македонија

Најнови вести

To top