Македонија

Претседателката Сиљановска-Давкова го свика Совет за безбедност поради актуелната меѓународна состојба

Седниците на Советот вообичаено се одржуваат зад затворени врати, а по нив се соопштуваат заклучоци и препораки за натамошно постапување на институциите.

2 минути за читање

Претседателката на Република Македонија, Гордана Сиљановска-Давкова, свика итна седница на Советот за безбедност која ќе се одржи денеска, поради актуелната безбедносна состојба и драматичните случувања на меѓународен план.

Според информациите од кабинетот на претседателката, на седницата ќе се разгледуваат прашања поврзани со:

  • регионалната стабилност на Западен Балкан
  • безбедносните ризици од ескалацијата на конфликтот на Блискиот Исток
  • можните импликации врз Северна Македонија во услови на зголемени глобални тензии
  • потенцијални влијанија врз енергетската безбедност, миграциските текови и сајбер-заканите

Советот за безбедност е највисокото советодавно тело во државата за прашања од областа на националната безбедност и одбраната. Со него претседава претседателот на државата, а членуваат:

  • Претседателот на Собранието
  • Премиерот
  • Министерот за внатрешни работи
  • Министерот за одбрана
  • Министерот за надворешни работи
  • Тројца членови именувани од претседателот

Седниците на Советот најчесто се одржуваат зад затворени врати, а по нив следи официјално соопштение со заклучоци, препораки и насоки за понатамошно постапување на надлежните институции (Влада, МВР, МО, МНР, АНБ и други).

Се очекува по состанокот да биде објавено официјално соопштение за донесените ставови, проценки и евентуални мерки за зајакнување на националната безбедност во актуелниот контекст.

Ова е прва седница на Советот за безбедност по потврдата за смртта на врховниот лидер на Иран, ајатолахот Али Хамнеи, и заедничките американско-израелски напади врз Иран, кои значително ја зголемија геополитичката нестабилност во регионот.

Поврзани теми:

Блиски исток|Гордана Сиљановска Давкова|советот за безбедност|топ|Западен Балкан|Иран

Повеќе на оваа тема:

Најнови вести од: Македонија

„Скопје1.мк“: „Малолетници под дејство на алкохол со ножеви в рака тргнаа кон мене!“ – вознемирувачко сведоштво од автобус во Скопје

Празничен ден, пикник и детска радост, но за неколку минути сè се претворило во сцена на страв и насилство. Скопјанката Наташа Младеновска сведочи за инцидент во автобус од Водно кон центарот на Скопје, во кој учествувале малолетници, а ситуацијата ескалирала до вадење ножеви.

„МКД.мк“: Во Липково вчера се „славеше„ „слободна територија Карадак“ од конфликтот во 2001 година!

Во Липково вчера беше „прославен“ 2 мај, за општината познат како „Ден на прогласувањето на слободната зона Карадак“, Кумановско, и како Ден на општината. На својот фејсбук-профил пратеникот Ријад Шаќири од Алијансата на Албанците од колицијата Вреди, напиша дека заедно со градоначалникот Еркан Арифи (од ДУИ), општинските советници на гробиштата „оддадоа почит на мачениците кои ги положија своите животи во 2001 година“. Ова го објави информативниот портал „МКД.мк“

Али Ахмети го „прослави“ 2 мај, „Денот на прогласувањето на Карадак како зона ослободена од УЧК во 2001“ и порача: Тоа е и натаму „симбол на отпор“!

Лидерот на ДУИ Али Ахмети вчера го „прослави“ 2 мај „Денот на прогласувањето на Карадак како ослободена територија“ од страна на УЧК во 2001 година“, означувајќи го овој датум како „важен момент во новата историја“. „Во Слупчане е напишана една од најзначајните страници, а прогласувањето на Карадак како слободна зона е доказ за решителност за слобода, достоинство и еднаквост. Карадак и неговите жители остануваат симбол на отпор и единство за поправична иднина.“ – рече Ахмети. Со оваа своја порака тој отвори дилема: каков „симбол на отпор“, но и кон кого, продолжува да биде и денес ова „прогласување територија ослободена од борците на УЧК во мај 2001“?! Претседателот на ДУИ Ахмети „прославува“ и денес „25 години од прогласувањето слободна зона“ инаку на територијата на унитарната држава Македонија!

Османи ќе се „жали“ во ЕУ за „влошувањето на меѓуетничките односи и кршењето на Охридскиот договор“, но и за евроинтеграцијата

„Потпретседателот на ДУИ Бујар Османи е во дводневна работна посета на Брисел, каде што ќе оствари серија средби со претставници на Европската комисија, Службата за надворешни работи на ЕУ, како и со европратеници. Според најавата, во центарот на вниманието на овие средби ќе бидат прашања поврзани со европската перспектива на земјата, забрзувањето на евроинтеграцијата и актуелните политички предизвици.“ – објави информативната агенција на албански јазик Илирија-ИНА.

ВМРО ДПМНЕ: СДС и Филипче водат политика за корист на кланот Заеви и подготвени се да ги дораспродадат македонските интереси со лажната проевропска агенда!

„Филипче тоне во сервилност без крај и води лажна проевропска агенда додека во реалноста нема план и стратегија.“ – нагласува ВМРО ДПМНЕ во своето денешно соопштение.
Сите вести од Македонија

Најнови вести

To top