На средбата биле присутни и американската амбасадорка во Македонија Ангела Агелер и началникот на генералштабот на АРМ Сашко Лавчиски
Претседателката Гордана Сиљановска Давкова прими две Македонки кои го завршија престижниот „Maneuver Captain’s Career Course“ во Џорџија.
,,Горда сум што денеска ги примив капетанката Неда Волчева и поручничката Сара Тасевска, две извонредни припаднички на македонската армија кои успешно го завршија престижниот „Maneuver Captain’s Career Course“ во Џорџија, САД.
Нивната посветеност, знаење и амбиција се доказ за високото ниво на професионалност што го поседуваат нашите воени кадри.
На средбата биле присутни и американската амбасадорка во Македонија Ангела Агелер и началникот на генералштабот на АРМ Сашко Лавчиск
,,Уверена сум дека нивната експертиза ќе придонесе за уште посилна и поефикасна Армија. Тоа е и влог во нашето партнерство со САД и во кредибилитетот на државата како сојузник во НАТО.
Се залагам за создавање на Регионален центар за извонредност за жени, мир и безбедност со седиште во Скопје, зашто верувам во лидерството на жените во одбраната во регионот”, објави претседателката Гордана Сиљановска Давкова.
