Македонија

Сиљановска-Давкова: Вредноста на македонските мировници, никогаш не била повидлива

Во рамки на активностa, претседателката Сиљановска-Давкова, министерот Мисајловски и генералот Лафчиски им поделија новогодишни пакетчиња на децата на мировниците. Настанот беше заокружен со традиционалната поделба на новогодишни пакетчиња од страна на армискиот Дедо Мраз, кој пристигна со армискиот хеликоптер Ми-8/17 од Воздухопловниот ВИНГ, што внесе празнична атмосфера и радост кај најмладите.

4 минути за читање

Претседателката и врховен командант на Армијата, Гордана Сиљановска-Давкова, заедно со министерот за одбрана Владо Мисајловски и началникот на Генералштабот на Армијата, генерал-мајор Сашко Лафчиски, денеска (27 декември), во касарната „Страшо Пинџур“ во Петровец, преку видеоконференциска врска им ги честитаа претстојните празници на припадниците на Армијата ангажирани во мировни мисии и операции во странство, упатувајќи им желби за добро здравје, успех и просперитет во новата 2026 година.

  • „Се чини дека никогаш на светот мирот не му бил попотребен, но се чини и дека нашата вредност, вашата на мировниците, ама и на македонската Армија, никогаш не била повидлива. Нема место на кое што вие, нашите мировници, не сте рамноправно третирани. Затоа денеска ми е особена чест овде во друштво на вашите сопруги, на вашите сопрузи, на вашите деца да ви се обратам и да ви посакам не само успешна работа, туку и да нема потреба можеби од толку често одење. Вие вашиот придонес го дадовте и го давате, ние цврсто веруваме во мирот, но се разбира, мирот не зависи само од нас и мора секогаш и таму и овде да бидеме подготвени. Впрочем, тоа и постојано го правиме“, рече претседателката Сиљановска-Давкова во своето обраќање пред присутните.

Министерот Мисајловски  на оваа средба која „има особена тежина и значење” упати благодарност до мировниците за нивната “служба во името на мирот, безбедноста и сигурноста на секој еден од нас.” На членовите на семејствата на мировниците, министерот им порача да бидат силни, трпеливи и горди на војниците.

  • “Свесни сме дека зад секој мировник стои семејство кое ги споделува и грижите и гордоста. Министерството за одбрана и Армијата остануваат цврсто посветени да бидат ваша поддршка – не само симболично, туку и суштински, секогаш кога тоа ќе биде потребно”, рече министерот.

Мисајловски им се заблагодари на претседателката и началникот на Генералштабот за одличната и континуирана соработка од која бенефит има секој припадник на Армијата.

Началникот на Генералштабот, во своето обраќање изрази уверување дека мировниците професионално и посветено ги извршуваат своите задачи. Во оваа прилика генералот Лафчиски ѝ се заблагодари на претседателката за континуираната поддршка во реализацијата и реафирмацијата на досегашните и тековните активности. Тој ја поздрави и грижата на министерот за одбрана за семејствата на мировниците, како и сите активности што се преземаат во насока на зајакнување и унапредување на Армијата како успешна институција. Притоа истакна дека Армијата претставува едно големо и сплотено семејство и нагласи дека се гордее што е дел од него.

  • „Армијата е едно големо, сплотено семејство и јас се гордеам што сум дел од тоа семејство. Ние секогаш сме тука за вас и за вашите семејства, кога и да е тоа потребно“, истакна Началникот на Генералштабот.

На крајот од своето обраќање, тој им ја честиташе претстојната 2026 година, посакувајќи им добро здравје и успешна работа, со желба и понатаму да се среќаваат со нови успеси и победи во новата 2026 година.

Претставниците на македонската Армија ангажирани во мисијата на НАТО во Косово (КФОР), ЕУ операцијата АЛТЕА во Босна и Херцеговина, мисијата на Обединетите Нации во Либан (УНИФИЛ), како и во НАТО активноста „Forward Land Forces – FLF“ во Бугарија, Романија и Летонија и националниот претставник во мисијата во Германија ја истакнаа својата висока мотивираност и подготвеност за професионално извршување на сите доделени задачи, достоинствено претставувајќи ја татковината.

Во рамки на активностa, претседателката Сиљановска-Давкова, министерот Мисајловски и генералот Лафчиски им поделија новогодишни пакетчиња на децата на мировниците.

Настанот беше заокружен со традиционалната поделба на новогодишни пакетчиња од страна на армискиот Дедо Мраз, кој пристигна со армискиот хеликоптер Ми-8/17 од Воздухопловниот ВИНГ, што внесе празнична атмосфера и радост кај најмладите.

На денешната активност, покрај семејствата на мировниците присуствуваа командантите на прво потчинетите команди и единици и претставници од  Генералштабот на Армијата и Министерството за одбрана.

 

Поврзана вест

 

Сиљановска Давкова ја додели наградата за Архитектура 2025 – заврши во рацете на Искра и Владимир Лековски

Поврзани теми:

претседател|АРМ|Давкова|мировници|Генерал-мајор|топ|актуелно|војска|армија

Повеќе на оваа тема:

Најнови вести од: Македонија

Неуспешните обиди на Бугарите да ги спречат Кажимјеж Фелешко и други полски македонисти во меѓународната афирмација на самобитноста на македонскиот јазик

Денес, на 3 јули 2026 година се навршуваат 25 години од смртта на истакнатиот полски славист и македонист Кажимјеж Фелешко, еден од големата низа полски македонисти, кој има дадено драгоцен придонес кон меѓународните студии на македонскиот јазик, третиран како засебен јазик во семејството на јужнословенските јазици. Оваа годишнина е повод за осврнувањето на научното творештво негово, но и на цела една голема низа други исто така истакнати полски македонисти, кои повеќе децении во континуитет се вклучени во студиите за македонскиот јазик, во македонистиката во Полска, а со тоа и во широката меѓународна афирмација за македонскиот јазик. Во овој контекст е посебно за истакнување и една од најголемите полски македонистки и членка на Македонската академија на науки и уметности Зузана Тополинска, која во 2020 година ќе изнесе шокантно сведоштво во интервју за „360 степени“ дека Бугарите ѝ нуделе дури и пари да се откаже од македонистиката и македонскиот јазик. „Бугарите се циркус, поради својата несигурност во врска со поради македонскиот јазик!“ – ќе каже академик Тополинска во тоа свое интервју. Во 2005 година професорката Лилјана Минова – Ѓуркова ќе изнесе уште еден вџашувачки момент: при доделувањето на почесниот докторат на науки на Станислав Гајда, полски филолог и македонист, од страна на Универзитетот УКИМ, Бугарите им упатувале и ултиматуми не само на група македонски македонисти, туку и на самиот Гајда, „да се откажат од Македонците и македонските дијалекти во Бугарија“! Ова Ѓуркова го напишала во соодветно полско списание во статија посветена на доделувањето на почесниот докторат на науки на Гајда, инаку полски филолог-македонист, како и член на Полската академија на науки.    

Ошлис: Македонецот Наум Охридски е само европски просветител, но и дипломат, а Европа ако ја изгуби Македонија, набргу ќе се изгуби и саматата себеси! (3)

Големиот германски македонист проф.д-р Волф Ошлис силно ја застапува македонската историска перспектива и нагласува дека дејноста и традицијата на Свети Наум Охридски е дел од македонското јазично-културно и просветителско наследство. Во своите истапувања на Меѓународниот семинар за македонски јазик и култура во Охрид во изминатите години Ошлис ја ја аргументирал повеќе пати својата констатација дека Наум е еден од основноположниците на македонската култура, јазик, религија и наука, без никаква врска со други народи во Балканот. Во својот научен труд со наслов „Македонецот Наум Охридски и Германецот Регино фон Прим како европски дипломати“ Ошлис, дури, го означува македонскиот просветител и како еден од првите и тоа врвни европски дипломати, поради развиените контакти, што ги имал со тогашните владетели и видните личности од нивните царски дворови, во рамки на своето учество во тогашната Моравска мисија на македонските и сесловенски просветители Кирил и Методиј, започната во 863 година меѓу народите во Средна Европа.

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

Монах Амвросиј: Свети Наум ја градеше душата на древниот македонски народ, кој стои со својот идентитет во темелите на европската цивилизација! (2)

„Во тишината на бреговите на Охридското Езеро манастирот ‘Свети Наум’ со векови ја чува духовната светлина на македонскиот народ.  За да ја разбереме духовната мисија на манастирот ‘Свети Наум’ денес мораме да погледнеме во длабочината на нашиот историски и духовен континуитет. Кога Свети Наум го основал овој манастир во 905 година на брегот на Охридското Езеро, тој не градел само ѕидови, туку ја градел душата на еден народ. Ова свето место не е само нем споменик од минатото, туку жива лулка, во која пулсираат македонскиот идентитет и нашата национална меморија. Манастирот ‘Свети Наум’ е жива историска енциклопедија, во која е впишан целиот македонски национален и духовен код. Овде не се вкрстувале само патиштата на обичните луѓе, туку овде се кршеле копјата на најголемите империи, а манастирот секогаш останувал исправен како светилник на нашата самобитност. Затоа, манастирот ‘Свети Наум’ не е само историја. Тој е жив доказ дека еден народ, што го изградил својот идентитет врз писменост, вера и манастирска непокорност, никогаш не може да биде избришан од мапата на светот!“ – нагласува во интервју за „Нова Македонија“ монахот Амвросиј, жител на ова свето место и моментно студент на Московската духовна академија.

Мицкоски: Очекувам во јунскиот извештај на ЕУ да бидеме најдобри исто како во декемврискиот, има уште време за разговори со опозицијата за изборниот закон

Премиерот Христијан Мицкоски денеска повтори дека очекува во јунскиот извештај на ЕУ да бидеме најдобри исто како и во декемврискиот. Тој уште еднаш повика на разговори со опозицијата за Изборниот законик, за што кажа дека се уште има шанса да биде донесен и да биде исполнет и десетиот чекор од зададениот грејс период.
Сите вести од Македонија

Најнови вести

To top