Македонија

Славески: Санкциите кон „Лукоил“ нема да предизвикаат ценовен шок

Гувернерот на Народната банка, Трајко Славески, не очекува санкциите против руската компанија „Лукоил“ да предизвикаат ценовен шок или да ја разбудат инфлациската спирала.

1 минута за читање

Гувернерот на Народната банка, Трајко Славески, не очекува санкциите против руската компанија „Лукоил“ да предизвикаат ценовен шок или да ја разбудат инфлациската спирала. Тој е уверен дека по првичниот благ ценовен удар состојбата брзо ќе се стабилизира.

– Има други производители кои имаат капацитети да ги надоместат количествата нафта што можеби нема да бидат испорачани од Русија. Не очекувам некој поголем шок. Согласно проекциите од Народната банка очекуваме трендот на намалување на инфлацијата забележан последните месеци да продолжи и до крајот на годинава и инфлацијата да не биде поголема од четири проценти. Таргетот за наредната година е да се симне на три и под три проценти, во рамки на инфлацијата забележана во ЕУ, рече Славески.

„Добро е да видиме стапка на инфлација што почнува со тројка, тоа психолошки ќе влијае“, додаде гувернерот.

Поврзани теми:

НБРМ|лукоил|Трајко Славески|избор|санкции|гувернер

Повеќе на оваа тема:

Најнови вести од: Македонија

Кривична пријава за четворицата битолчани, кои му се закануваа на министерот Тошковски, ем и снимајќи ја таа нивна „забава“!

СВР Битола поднесе кривична пријава против М.Ф.(59), М.Р.(48), Д.Ф.(45) и Ј.Ф.(41), сите од Битола, поради постоење основи на сомнение за сторени кривични дела „предизвикување омраза, раздор или нетрпеливост врз национална, расна верска и друга дискриминаторска основа” и „поттикнување”.

Сиљановска-Давкова: Нема место за двојни стандарди во евроинтегрирањето, кое не смее да биде оптоварено со историски, јазични и идентитетски прашања!

На официјална церемонија со највисоки државни и воени почести претседателката на Република Македонија Гордана Сиљановска-Давкова денеска во Загреб беше пречекана од претседателот на Република Хрватска Зоран Милановиќ. Двајцата претседатели одржаа „лице-в-лице“ средба, по што следуваше пленарен состанок на македонската и хрватската делегација, кои во средиштето на вниманието ги ставија традиционално пријателските заемни односи. Со тоа започна дводневната официјална посета на Сиљановска-Давкова на Хрватска. На заедничката прес-конференција Сиљановска-Давкова истакна дека членството во Европската Унија останува една од стратешките определби на државата и се заблагодари за пријателскиот однос, поддршката и разбирањето од страна на Хрватска, како и за помошта во отворањето нови перспективи и можни решенија во процесот на европските интеграции.

Стручна расправа за предложените измени и дополнувања на Правилникот за урбанистичко планирање во Министерството за транспорт

Со измените во Правилникот се предвидува постапките за урбанизација за изградба на супермаркети и хипермаркети со површини над 5000 m2, да се одвиваат преку Министерството за транспорт
Сите вести од Македонија

Најнови вести

To top