Македонија

Сончево и топло време денеска, температури до 34 степени

Во Скопје максимална температура од 34 степени

1 минута за читање

Денеска низ поголемиот дел од земјата ќе преовладува сончево време со мала облачност. Ќе дува слаб до умерен ветер од северозападен правец.

Минималната температура ќе се движи во интервал од 11 до 20 степени, додека максималната ќе достигне од 28 до 34 степени.

Во Скопје денеска исто така ќе биде сончево со мала облачност. Ќе дува слаб до умерен ветер од северозападен правец, со минимална температура од 15 и максимална до 34 степени.

Според прогнозата на Управата за хидрометеоролошки работи (УХМР), во сабота ќе продолжи сончевото и топло време, со мала до умерена облачност и слаб до умерен ветер од променлив правец.

Во недела се очекуваат услови за нестабилност – ќе има пороен дожд и грмежи, придружени со умерен до засилен ветер, претежно од северозападен правец.

Од понеделник следува период на претежно стабилно и топло време.

Граѓаните се советуваат да бидат внимателни особено во недела поради можни изненадни врнежи и грмежи.

Поврзани теми:

избор|време|временска прогноза

Повеќе на оваа тема:

Најнови вести од: Македонија

Кој и зошто му го хакирал мејлот на главниот државен ревизор Максим Ацевски?!

Хакиран бил мејлот на главниот државен ревизор м-р Максим Ацевски, соопшти Државниот завод за ревизија. Можеби е некакво совпаѓање, но Ацевски само еден ден претходно, на 30 јули во интервју за ТВ 24 изнесе дека гостиварското јавно претпријатие „Водовод“ уште од 2007 година работи неодговорно и неефикасно, а неговата сметка во континуитет е блокирана.

Мицкоски за враќањето на пасошот на обвинетиот Марковски: Обвинител во Вишото обвинителство грубо манипулирал, соучесник е во ова, ќе има истрага!

Премиерот Христијан Мицкоски вели дека го следи случајот со враќањето на пасошот на Борче Марковски, обвинет за злоупотреби од страна на Основниот суд во Струга, и посочи дека во него, како што истакна, „има груба манипулација од локален јавен обвинител во Вишото јавно обвинителство, кој е соучесник во овој процес“.

Армијата на Република Македонија доби 53 нови офицери, Мисајловски им порача: Ќе бидете чувари на мирот, стабилноста и безбедноста

Армијата на Република Македонија денеска доби 53 нови офицери на свечената промоција што се одржа на Воената академија „Генерал Михаило Апостолски“. Промовирани беа 36 питомци од 26. класа, 16 слушатели од Курсот за стручно оспособување и усовршување на офицери за службите на Армијата, како и еден питомец, кој дипломирал на престижната Воена академија Вест Поинт во Соединетите Американски Држави.

Јачева- Улчар: Зад посебноста на македонскиот јазик стојат чувствата на македонскиот народ, но и аргументите на европската наука уште пред 120 години!

„Историјата на македонскиот јазик не ја испишувале само Македонците. Во неа своја трага оставиле и некои од најголемите европски лингвисти на своето време. Кога денес зборуваме за македонскиот јазик не смееме да заборавиме дека зад неговата посебност не стојат само чувствата на еден народ. Стојат и научни аргументи изградени многу пред создавањето на современите држави на Балканот. Историјата на македонскиот јазик не треба да се брани со пароли, туку со документи и факти, кои сведочат дека уште пред повеќе од еден век најугледните европски лингвисти го препознале она што денес некои сѐ уште се обидуваат да го негираат.“ – нагласува д-р Елка Јачева – Улчар, професорка во Институтот за македонски јазик „Крсте Мисирков“, во својата објава на фејсбук со наслов „За посебноста на македонскиот јазик“.
Сите вести од Македонија

Најнови вести

To top