Македонија

Сто евра казна за локал во кои дошле три пати повеќе гости од дозволеното

Во локалот регистриран за 200 лица имало околу 700 гости на настапот на Аца Лукас

1 минута за читање

Локалот во Кавадарци во кој на 22 ноември настапуваше српскиот пејач Аца Лукас е казнет со парична глоба од 100 евра, како микро трговец, поради присуство на трипати повеќе гости од дозволениот капацитет, објави СДК.мк.

Иста казна од 100 евра му е изречена и на одговорното лице, откако инспекциската контрола на Државниот пазарен инспекторат (ДПИ) утврдила значително надминување на дозволениот број посетители.

Од ДПИ потврдија дека прекршочните платни налози се издадени согласно Законот за угостителска дејност и дека се платени во законскиот рок.

Градоначалникот на Кавадарци, Митко Јанчев, тогаш изјави дека во локал регистриран за 200 лица имало околу 700 гости, нагласувајќи дека безбедноста е на прво место и дека нема да се дозволи повторување на трагични сценарија.

Дополнително, од ДПИ информираа дека за истиот објект е изречена и платена казна согласно Законот за заштита од пушење, додека Аца Лукас бил казнет со 50 евра поради работа без соодветна дозвола.

Поврзани теми:

избор|концерт|Кавадарци|Аца Лукас|локал

Повеќе на оваа тема:

Најнови вести од: Македонија

(Видео): Нула денари од Буџетот за прославата за независноста, за разлика од 8,2 милиони евра „во воздух“ кај Груби и Бајрами, велат од Владата

На Државна лотарија ѝ било укажано да обезбеди средства од нераспределената добивка предвидена за 2024 година во висина од 300 милиони денари за спонзорирање на настаните како и да објави јавен повик за прибирање на понуди за реализација на спонзорираните настани.

Клековски: Западнонилската треска стивнува, на Клиниката за инфективни болести сe згрижени шест пациенти

Министерот за здравство Сашо Клековски вели дека епидемијата на западнонилската треска стивнува, за што говорат податоците дека во последните две седмици има по два нови случаја, а и на Клиниката за инфективни болести моментно се згрижени шест пациенти, од кои само двајца се во потешка состојба.

Мицкоски: Колку и да сакаат да го оцрнат работењето на оваа Влада, денес многу подобро се живее отколку пред 3 години!

„Пред 25-26 месеци наследивме  уништени институции, ограбена економија, клекната на колена држава, разочарани и демотивирани граѓани. И сега,  колку и да сакаат да го оцрнат тоа што денеска оваа Влада го работи, ќе мора сите да се согласиме дека денеска многу подобро се живее од тоа што беше пред три години.“ – изјави денеска премиерот Христијан Мицкоски, одговарајќи  на новинарско прашање во врска со забелешките на опозицијата околу порастот на бруто-домашниот производ.

„Babuna Red 2023“ на „Тиквеш“ го освои Лондон: Престижен трофеј за најдобро црвено вино од Македонија

На свечениот настан за доделување на наградите освоени на годинешниот International Wine Challenge (IWC), што се одржа на 8. септември во Лондон, трофејот за „Babuna Red 2023“ за најдобро црвено вино од Македонија, му беше врачен на претседателот на Управниот одбор на ВВ „Тиквеш“, Светозар Јаневски. Со оваа награда, „Babuna Red 2023“ се вбројува меѓу вината што оставија најсилен впечаток на едно од највлијателните и најценети светски вински натпреварувања, потврдувајќи го квалитетот, автентичноста и меѓународниот потенцијал на македонското вино. Ова престижно признание има и дополнителна тежина бидејќи „Babuna Red 2023“ на истиот натпревар освои и златен медал со високи 95 поени, издвојувајќи се меѓу најдобро оценетите вина во својата категорија.
Сите вести од Македонија

Најнови вести

To top