Македонија

Струјата поскапува од 1 јануари, но не многу – сметките ќе пораснат за околу 60 денари

Сметките за струја од 1 јануари идната година ќе се зголемат од 57 денари месечно за домаќинствата што трошат само во првиот блок, до 900 денари за оние кои влегуваат во најскапиот, четврти блок. Претседателот на Регулаторната комисија за енергетика, Марко Бислимовски појасни дека оваа одлука е конечна и донесена и покрај барањето на ЕВН хоум за значително поголемо зголемување на цената на струјата

3 минути за читање

Струјата поскапува за 2,28% од 1 јануари. Сметките во просек ќе се зголемат за 57 денари месечно, но само за домаќинствата што трошат во првиот блок, односно за 85% од граѓаните. За оние кои трошат најмногу, во четвртиот блок, сметките ќе пораснат до 900 денари. Наспроти ваквата одлука, според претседателот на Регулаторна, Марко Бислимоски, барањето на ЕВН хоум било цените на струјата да се зголемат за 7,66 отсто во првиот блок, за 8,54 отсто во вториот, за 9,63 отсто во третиот и за дури 11,86 отсто во четвртиот блок.

Тој појасни дека едно домаќинство кое има потрошувачка од 210 киловат часови во прв блок и 277 киловат часови во евтина тарифа месечните сметки за струја ќе бидат повисоки за 57 денари, за домаќинствата кои имаат потрошувачка од 210 киловат часови во прв, 420 киловат часови во втор блок и 682 киловат часови во евтина тарифа струјата ќе се зголеми за 70 денари. За оние кои влегуваат и во трет блок, а такви се само 1,73 отсто од домаќинствата, односно 14.000 домаќинства месечните сметки ќе бидат повисоки за 2,79 отсто, односно за 370 денари, а за оние од четвртиот блок, односно за 0,55 отсто или само за 4.400 домаќинства сметките за струја ќе бидат повисоки за 900 денари.

  • Наместо предложеното зголемување од 7,66 отсто што ЕВН ХОМЕ го достави во одлуката, РКЕ по спроведени анализи и повторни пресметки, одлучи во прв блок да има корекција од 2,45 проценти. Во втор блок цената ќе се зголеми за 2,87 отсто, додека предлог зголемувањето на ЕВН ХОМЕ е 8,54 проценти. Во трет блок цената ќе се зголеми за 3,32 отсто иако беше предложено да има зголемување од 9,63 проценти и во четврт блок зголемувањето е 3,84 отсто, наместо предложените 11,86 проценти, изјави Бислимоски.

Во однос на месечниот надоместок од 200 денари што се пресметува на сметките на струја, Регулаторот останува на ставот дека тој е неопходен, бидејќи ако се укине, тоа ќе се одрази на зголемувањето на цената на струјата за блоковите. За да се избегне ценовен шок за граѓаните, Владата останува со субвенционирање на цената на струајта за домаќинставата. Од 62 евра колку што чинеше досега, ЕСМ на универзалниот снабдувач отсега ќе му ја продава струјата по 65 евра за мегават час. Претседателот на РКЕ, рече дека со оглед на состојбите на пазарите поради геополитичките случувања, цената на струјата е стабилна.

Поврзани теми:

топ|Македонија|ЕВН|струја|ЕСМ|енергетика|пари|1 јануари

Повеќе на оваа тема:

Најнови вести од: Македонија

Повеќе од 16.000 граѓани ја напуштиле држават апреку „Богородица“ и „Табановце“

Продолжениот викенд по повод празникот Велигден го зголеми метежот на граничните премини во земјава, а најголем метеж е забележан на премините Богородица и Табановце, каде во изминатите 24 часа поминале повеќе од 16 илјади патници, информираат од Министерството за внатрешни работи.

Лога се обидува да ѝ „држи“ на Сиљановска-Давкова, претседателката на РМ и уставно-правен експерт, „јавно предавање“ за правосудниот испит и за непостојната „државотворност на албанскиот народ“?!

„Синоќа во емисијата на ТВ 21 Сиљановска се обиде да ги избегне дискусиите и да ги изигра фактите поврзани, со правосудниот испит, изнесувајќи и неколку ставови, кои веќе се надминати како проблематика. Постои суштинска разлика, што оваа политичка класа со југословенско наследство, претставувана од Сиљановска, треба да ја разбере: албанскиот јазик не е ‘малцински јазик’, како што таа ‘погрешно’ го претставува во континуитет, туку е јазик на околу една третина од населението во оваа држава и на еден од државотворните народи, заедно со македонскиот народ.“ – наведува поранешниот министер за правда од ДУИ Кренар Лога, кој со оваа објава преку фејсбук, всушност, се обидува да ѝ „држи“ на претседателката на Република Македонија и уставно-правен експерт проф.д-р Гордана Сиљановска-Давкова “јавно предавање“ за правосудниот испит и за „државотворноста на албанскиот народ“ (?!), иако таква „државотворност“ не постои како уставно-правна категорија во македонската држава, зашто во неа единствено државотворен народ е само македонскиот народ! Неприфатливоста на интонацијата на Лога е и поради тоа што тој недолично фактички ѝ ја игнорира функцијата претседателка на Република Македонија на Гордана Сиљановска-Давкова и ѝ се обраќа само само по презиме.

Николовски: Од септември Скопје ќе ги добие првата делница од Градскиот воз и првите 30 нови автобуси

Од септември Скопје ќе ја добие првата делница од Градскиот воз од Зелениково до транспортниот центар, како и првите 30 нови автобуси доколку успешно заврши јавната набавка по Велигденските празници, истакна во вчерашното гостување во “Само Интервју”, заменик претседателот на Владата и министер за транспорт Александар Николоски.

МВР во акција: за 24 часа приведени 10 возачи!

Во текот на изминатото деноноќие на целата територија на државата, полициските службеници лишија од слобода десет возачи за безобѕирно управување возило, од кои по четворица управувале возило без возачка дозвола и под дејство на алкохол, еден во спротивна насока и еден и покрај тоа што имал активна забрана, информираат од Министерството за внатрешни работи.

Хоџа: „Албанија го поддржува студентскиот протест во Скопје и бара да не се оспорува уставното право на употребата на албанскиот јазик во РСМ“

„Ферит Хоџа, министерот за Европа и надворешни работи во Владата на Албанија, денес на прес-конференција истакна дека треба да има решение за студентите-Албанци во С.Македонија, кои бараат да полагаат правен испит на својот албански јазик, бидејќи, според него, албанскиот јазик е уставно и неоспорно право.“ – објави информативната агенција на албански јазик Илирија-ИНА.
Сите вести од Македонија

Најнови вести

To top