Македонија

Студентите бараат зголемување на студентскиот оброк за 10 денари

Од Националното студентско тело истакнуваат дека ова усогласување не е дополнителна привилегија, туку неопходен чекор за поддршка на студентите во услови на зголемени животни трошоци.

2 минути за читање

Националното студентско тело бара зголемување на износот за субвенциониран студентски оброк од 140 на 150 денари почнувајќи од 2026 година. Барањето, како што велат од НСТ, се темели на Законот за субвенциониран студентски оброк, кој предвидува усогласување на сумата со стапката на инфлација по секоја фискална година, а пред усвојувањето на републичкиот буџет. Последната промена на износот била во 2023 година, кога сумата е зголемена од 120 на 140 денари.

НСТ го образложува своето барање со инфлациската стапка за 2024 и 2025 година, која според податоците на Народната банка, Државниот завод за статистика и проекциите на ММФ изнесува 3,5 отсто за 2024 година и околу 3,4 проценти за годинава.

Според пресметките на НСТ, за да се зачува реалната вредност на оброкот, сумата треба да се зголеми за речиси 10 денари, со што би достигнала 150 денари. За ова зголемување се потребни дополнителни 70 200 000 денари или околу 1 141 463 евра годишно. Оваа сума е пресметана врз основа на просечен број од 30 000 студенти корисници на мерката во текот на девет месеци.

Од Националното студентско тело истакнуваат дека ова усогласување не е дополнителна привилегија, туку неопходен чекор за поддршка на студентите во услови на зголемени животни трошоци. Со тоа, велат оттаму, државата би покажала грижа и би инвестирала во младите, кои се сметаат за носители на идниот развој на државата.

Министерката за образование и наука Весна Јаневска изјави дека ќе се залага за барањето за покачување на субвенционираниот студентски оброк, но истакна дека не може да гарантира дека ќе се случи тоа. Министерката нагласи дека студентите сега имаат партнер во Министерството и дека сите нивни досегашни барања биле исполнети.

  • „Ова прашање стигна до мене. Мислам дека во иднина би можеле да се договориме, но во овој момент не можам да гарантирам затоа што буџетот на Министерството за образование зависи од буџетот на државата. Секако дека ќе се залагам доколку е можно и оваа година да биде остварено“, рече министерката Јаневска. 

Таа додаде дека искрено верува дека студентите треба да имаат подобри услови за учење бидејќи, според неа, тие се идните носители на развојот на државата.

Поврзани теми:

топ|ученици|студенти|пари|МОН|оброк|јадење

Повеќе на оваа тема:

Најнови вести од: Македонија

АНБ разби радикална терористичка група поврзани со Исламска држава и со обидот за палежот на еврејската синагога во Скопје!

Агенцијата за национална безбедност согласно своите надлежности презеде оперативно-технички и аналитички мерки и активности со цел идентификување на мотивите и непосредните извршители на обидот за опожарување на објектот на Еврејска заедница во Скопје. Во таа насока од страна на Агенцијата се прибраа информации и беа идентификувани лица – најверојатни извршители и нивна логистичка мрежа, како и повеќе објекти во Скопје, кои според нашите индиции, како дел од радикална групација идеолошки надоврзани на глобалната мрежа на Исламска држава, непосредно по повикот на споменатата терористичка организација од почетокот на април, презедоа насилни активности.

Поранешниот градоначалник на Струмица „заработи“ кривична пријава, поради сомнеж за злоупотреба на овластувањата – потпишал изградба на дивоградба!

Поднесена е кривична пријава против поранешниот градоначалник на Струмица и уште четири лица за „несовесно работење во службата“, злоупотреба на службена положба и овластување“ и „бесправно градење“

Приведени седуммина за обидот за палење на синагогата на Еврејската заедница во Скопје, одреден притвор за двајца поради сомнеж за „тероризам“

Министерството за внатрешни работи го расчисти случајот со обидот за опожарување на верскиот објект на Еврејската заедница во Скопје на 12.04.2026 околу 5 часот изутрината. Веднаш по добиената пријава преземени се соодветни мерки и активности од страна на Секторот за борба против тероризам, насилен екстремизам и радикализам при Одделот за сузбивање на организиран и сериозен криминал во координација со СВР Скопје и Агенцијата за национална безбедност. Беа преземени повеќе оперативно- тактички мерки на подрачје на град Скопје.

Седумина приведени за тероризам поради обидот за палење на објект на Еврејската заедница

Веднаш по пријавата, Секторот за борба против тероризам, насилен екстремизам и радикализам при Одделот за сузбивање на организиран и сериозен криминал, во координација со СВР Скопје и Агенцијата за национална безбедност, презеде интензивни оперативни мерки.
Сите вести од Македонија

Најнови вести

To top