Македонија

Таналари: Дали меѓународниот чинител е рамнодушен кон уставните промени, или има стратегија за помек притисок и јасни очекувања за реформи?

„Релативната тишина од страна на меѓународната заедница во врска со уставните промени создаде простор за расправа на домашната политичка сцена. Некои политичари го толкуваат тоа како знак дека меѓународната заедница не сака да се меша во толку чувствително домашно прашање. Други веруваат дека станува збор за нова стратегија: помек притисок, но со јасни очекувања за реформи.“ – наведува во својата колумна Африм Таналари, новинар во Албанската редакција на Радио Скопје.

2 минути за читање

Во својата колумна со наслов „Дали меѓународниот чинител пројавува рамнодушност кон уставните промени во С. Македонија?“ , која ја објави информативната агенција на албански јазик „Журнал“, Таналари пишува: Во време кога С.Македонија се соочува со големи политички предизвици и жестока расправа за уставните промени, вниманието на меѓународниот чинител се чини дека е помало од вообичаеното. И покрај многуте високите очекувања дека стратегиските партнери – Европската Унија, САД и меѓународните организации – ќе извршат посилен притисок врз политичките страни, нивните реакции беа помеки и повнимателни.

Уставните промени, директно поврзани со евроинтеграцијата и со барањата, што произлегуваат од договорот со Бугарија, предизвикаа внатрешни поделби. Владата продолжува да бара меѓународни гаранции, додека македонската опозиција инсистира на почитување на договорот за добрососедство и француската рамка. Албанските политички партии се без стратегија за дејствување, но со конструктивен пристап „за“ уставните промени. Во оваа политичка игра, улогата на меѓународниот чинител често се смета како одлучувачка.

Сепак, во последните месеци, изјавите од странските партнери се поопшти и им недостасуваат силните тонови, чуени во слични ситуации во минатото. Геополитичките промени во регионот, глобалните кризи и промената во насоченоста на ЕУ може да бидат причини за овој порезервиран пристап, како и промената во американската дипломатија по Трамп.

Во меѓувреме граѓаните остануваат неодлучни меѓу две крајности: желбата за европска интеграција и балканските вознемирености. Во отсуство на повидлива меѓународна посветеност одговорноста за постигнување решение се чини дека повеќе паѓа врз институциите и политичките лидери во земјата.

Останува да се види во наредните месеци дали овој мек пристап на меѓународниот чинител ќе помогне, или ќе создаде поголема неизвесност. Ова ќе биде период клучен за политичката и европската иднина на С.Македонија. – заклучува Таналари во својата колумна.

Поврзани теми:

меѓународен чинител|актуелно|еу|Бугарија|Република Македонија|евроинтеграција|уставни промени

Повеќе на оваа тема:

Најнови вести од: Македонија

Ветвендосје на Курти победи на изборите, но дали ќе има мнозинство гласови, за да формира самостојно влада на Косово? – Честитка од Меџити

Изет Меџити, градоначалник на општина Чаир и еден од лидерите на коалицијата Вреди, испрати честитка до премиерот Албин Курти по неговата нова изборна победа во Косово. „Добра вест доаѓа од Косово. Уште една победа за Албин Курти и Самоопределување. Албин, големо задоволство е да ја видам вашата нова победа, дури поголема од претходните избори. “ – посочи, покрај другото, Меџити во својата честитка. Тој додаде дека „од Скопје ја потврдува својата поддршка за демократските процеси во Косово“.

На паркинг на булеварот „АСНОМ“ во Скопје, оштетени 34 возила!

Не едно, не неколку, туку рамно 34 возила се оштетени на паркингот на булеварот „АСНОМ“ (од Ново Лисиче кон населба Аеродром) – некој решил да се „забавува“, или за што станува збор?! Екипа од СВР Скопје извршила увид, известен е јавен обвинител и се преземаат мерки за пронаоѓање на сторителот и за целосно расчистување на случајот, велат од полицијата.

Над половина од семејствата со повеќе деца едвај крпат крај со крај

Просечно секој петти граѓанин во државата живее во сиромаштија, а според последните податоци на ДЗС за лани, стапката на сиромаштија во земјата изнесува 21,9 %. Најизразена е кај децата до 17 години каде процентуалноста пак достигнува 29,5 % што укажува на тоа дека речиси една третина од младите деца живеат во сиромаштија. Кај вработените лица, стапката на сиромаштија во 2024 година изнесува 7,9 проценти, што укажува на присуство на т.н феномен на „сиромашни вработени“ – лица кои и покрај тоа што имаат работа, остваруваат приходи под прагот на сиромаштија.

Шабани: Огромното мнозинство од младите во РМ воопшто не се заинтересирани за темите, за кои зборува Али Ахмети, „доживотниот цар на ДУИ“!

„Без нови личности и визија, ДУИ се изложува на опасност да остане во опозиција долго време. Конгресот на ДУИ произведе незадоволство, а не реформи. Лошото во врска со Конгресот на ДУИ е тоа што не со замина Али Ахмети, кој е главниот виновник за поразот на ДУИ на локалните избори одржани во октомври. А тој сака да остане цар, самовладетел во ДУИ до својата смрт! Огромното мнозинство од младите луѓе во земјата, особено оние родени по Охридскиот договор, воопшто не се заинтересирани за темите за кои зборува Али Ахмети.“ – се нагласува во анализата, која е објавена во весникот на албански јазик „Бота сот“ од Приштина, Косово со наслов „Поделба во ДУИ по изборот на раководството на Конгресот“.

Хаос во центарот на Скопје: „Сеат“ удри во три паркирани автомобили, контејнери, автомобили во движење и семафор

Вистински хаос се случил во петокот околу 12:30 часот на улицата Григор Прличев во Скопје, кога патничко возило „сеат“ предизвикало серија судири, оштетувајќи повеќе автомобили, контејнери и градска инфраструктура.
Сите вести од Македонија

Најнови вести

To top