Македонија

Таравари му останува верен на Ахмети, во Гостивар со заеднички кандидат

Крилото на Алијанса за Албанците на Таравари и ДУИ ќе застанат зад досегашниот градоначалник Валбон Лимани

1 минута за читање

За разлика од Зијадин Села, кој ја напушти Националната алијанса за интеграција предводена од ДУИ, шефот на друго крило на Алијансата за Албанците, Арбен Таравари, вели дека останува дел од НАИ.

Тој ја отфрла можноста ДУИ да претстави свој кандидат за градоначалник на Гостивар на повторените избори во почетокот на 2026 година, бидејќи цензусот не беше постигнат во првиот круг од минатите локални избори. Таравари нагласува дека постои договор дека заеднички кандидат на АА и на ДУИ повторно ќе биде актуелниот градоначалник Валбон Лимани, кој го наследи Таравари на оваа позиција откако беше избран за министер за здравство.

„Имаме договор, заеднички кандидат за Гостивар ќе биде Валбон Лимани, кој победи со 17.000 гласови наспроти 4.200 и му недостигаа само 21 глас за да го достигне цензусот. Оваа тема е одамна решена“, вели Таравари за „Фокус“.

Тој нагласува дека ако победата во Гостивар била 4:1 во првиот круг, разликата во корист на неговиот кандидат Исен Шабани била уште поголема во општина Врапчиште, каде што ќе се одржат повторени избори, заедно со уште две општини, Центар Жупа и Маврово-Ростуше.

Поврзани теми:

Валбон Лимани|али ахмети|НАИ|„Фокус“|ДУИ|Арбен Таравари|Алијанса за Албанците|гостивар

Повеќе на оваа тема:

Најнови вести од: Македонија

„Основачот на УЧК“ Али Ахмети и „Здружението на косовската УЧК“ се „согласија“: протест „против Хаг“ ќе има и во „Скопје на Албанците“ во декември!

„Претседателот на Демократската унија за интеграција и еден од основачите на “Ослободителната национална армија“ – УЧК Али Ахмети, денес во Приштина беше примен од претставници на Организацијата на воени ветерани на Косово. Двете страни се согласија дека следниот протест против неправдите ќе биде организиран во Скопје, како продолжение на општествената и политичката мобилизација.“ – објави […]

Снимени мечка со две помали мечиња како се шетаат низ Шар планина (ВИДЕО)

Од Националниот парк Шар Планина објавија видео-снимка на нивната фејсбук страница, на која се гледа поголема мечка додека се шета со своите две малечки мечиња. „Видеото што го споделуваме е прекрасен потсетник дека кафеавата мечка е вреден, редок и строго заштитен вид на Шар Планина. Да ја почитуваме, да ѝ оставиме простор и да придонесеме […]

Алсат: „Заветот за сојуз“ на Ахмети и ДУИ стана „Скршен завет“, откако Села ги напушти со третина од АА, внесувајќи раскол во опозицијата!

Јавноста постојано ја сметаше како неприродна коалицијата на Алијансата за интеграција со ДУИ, која првично беше формализирана во рамките на Европскиот фронт, а подоцна продолжи во Националната алијанса за интеграција, со оглед на острите линии на анти-ДУИ политиката, што ги развија Зијадин Села и целата АА како партија.“ – нагласува ТВ Алсат во својата редакциска анализа со наслов „Од ‘Завет за сојуз’ до ‘Кршење на заветот’ – се растури коалицијата на Али Ахмети, замина и Зијадин Села со една третина од Алијансата за Албанците“.

Куп пропусти во постоперативниот период во судскиот процес за родилката од Дебар

Во Основниот суд во Струга денеска продолжи судскиот процес за случајот со родилката Јилдиз Веапоска од Дебар која при породување во Струшката болница остана без три органи. Сослушани беа супервештаците, кои кажаа дека првообвинетиот Мухамед Асани како хирург бил одговорен за царскиот рез и за постоперативната состојба на оштетената, но и покрај влошената здравствена состојба не направил дијагностика и ехо за настанатото крварење што довело до хеморагичен шок, кога непотребно ѝ биле извадени три здрави органи.

Беџети: Ќе има коренити реформи и промени во претседателството на ДУИ и Генералниот совет

„Секако дека ќе има промени во раководството: на позициите потпретседател, секретар, во претседателството. Ќе има промени и кај членовите на Генералниот совет како највисок орган меѓу двата конгреса.“ – изјави Блерим Беџети од ДУИ.

Средба Муцунски-Кос: Потврдена е силната посветеност на Македонија на евроинтеграцискиот пат

Муцунски присуствува на неформалната вечера што за шефовите на дипломатиите на шесте земји кандидати и потенцијални кандидати за членство во Унијата од Западниот Балкан ја организира високата претставничка на ЕУ за надворешни работи и безбедносна политика Каја Калас.

Се санираат критичните точки и се расчистуваат наносите кај мостовите на Пчиња во Старо Нагоричане

Екипите на водостопанство „Кумановско-липковско поле“ и на јавните претпријатија од Старо Нагоричане и од Куманово сè на терен и ги расчистуваат наносите од дрвја, гранки, смет кај мостовите во оваа општина. Градоначалникот на општина Старо Нагоричане, Мирослав Славковски потврди дека екипи на јавното претпријатие од општината заедно со механизација на водостопанство од Куманово ги расчистуваат најкритичните локации.
Сите вести од Македонија

Најнови вести

To top