Терористичка група блиска на Техеран ја презела одговорност за нападот на Еврејската заедница на Македонија тврди профилот Опен Сорс Интел кој има 1,3 милиони следбеници на социјалната мрежа Х поранешен Твитер.
Профилот кој врши мониторинг на јавни извори на информации пренесува дека групата поврзана со Иран, Ашаб ал-Јамин, ја презела одговорноста за два напада врз еврејски места.
Едниот инцидент беше обидот за палење на синагогата и Центарот на еврејската заедница во Македонија а вториот е напад на 10 април врз ресторан во Минхен, каде што беа скршени прозорци и фрлени пиротехнички средства внатре.
И двата напада беа објавени од локалните медиуми во Германија и Македонија, пренесува профилот.