Македонија

Тивок бунт во МАНУ, тешки моменти за академик Камбовски и неговото протеже

Expres.mk ги знае сите можни предмети на трговија во МАНУ додека во академијата се врши досега невидена лоби кампања

Тивок бунт се случува во Македонската академија на науките и уметностите каде бројни членови на повеќе одделенија најавуваат дека ќе го бојкотираат изборот на единствениот кандидат што помина на одделението за општествени науки.

Десетина академици од повеќе одделенија признаваат дека се револтирани од одлуката на Одделението за општествени науки да ја пропуштат на пленарно гласање кандидатката за академик Гордана Лажетиќ Бужаровска а да го блокираат професорот Драги Митревски кој е еден од најважните меѓународно влијателни македонски научници во клучна област археологија.

По откритието на инспекторот Ѓорѓи Илиевски дека Лажетиќ Бужаровска, која благо кажано е малку важна во научна смисла, уште во 2021 била предложена но не минала на одделението за општествени науки а сега го добила потребниот број гласови за да излезе пред сите членови на академијата во МАНУ, се случува тивок бунт.

Академиците се вознемирени и затоа што за разлика од професор Драги Митревски кој е предложен од најстарата високообразовна институција во Македонија, Филозофскиот факултет, Лажетиќ Бужаровска е предложена и протежирана лично од Владо Камбовски.

Со тоа според повеќе академици се уништува и принципот на национален научен интерес за сметка на приватните интереси на еден академик во чија чест кандидатката пишувала научни трудови.

Дел од академиците кои инсистираат на анонимност поради моќта на академик Владо Камбовски велат дека МАНУ заради личните желби на моќниот академик го понижува Филозофскиот факултет и во исто време го понижува и наставно научниот совет на Правниот факултет каде Лажетиќ Бужаровска не добила поддршка и кандидатура за својата желба да биде академик.

Истовремено револт има и кај академици на кои не им е јасно зошто одделението за општествени науки од трката елиминирало друг врвен научни од правната област без да даде образложение за критериумите врз основа на кои Лажетиќ минала понатаму.

Познатиот професор правник со светски награди, кој според информациите на expres.mk не добил можност да се бори за влез во МАНУ пред сите членови на академијата беа да знае зошто е елиминиран од трката.

Професорот правник досега јавно не излегол да ги каже своите забелешки најверојатно затоа што се плаши од влијанието и моќта на Камбовски.

Во моментов, по објавите на expres.mk револтот во академијата расте а академик Камбовски се соочува со тешки моменти и сложен процес на лобирање за поддршка за неговата кандидатка и протеже Лажетиќ – Бужаровска.

За избор за академик на секој кандидат му се потребни половина плус 1 глас од вкупниот број членови на МАНУ.

Засега Лажетиќ Бужаровска според неофицијални изјави на над 20 академици не е блиску до потребниот број гласови.

Сепак искусни членови на МАНУ не исклучуваат дека академик Владо Камбовски поддржан од неговиот најблизок човек, со кој според академици де факто со децении ја водат академијата, академик Таки Фити, ќе успее да направи нова трговија со цел Лажетиќ Бужаровска да добие повеќе од половина од гласовите и да стане акадмик.

Expres.mk по истражувањето што го спроведе во изминатиов месец точно знае кои се можните предмети на трговија со сите академици и истите ги проверува.

Во прашање се интересни релации по принципот ,,На ти – дај ми” кои дополнително го уриваат имиџот на МАНУ

За случајот Лажетиќ Бужаровска преходно пишуваа и други познавачи на состојбите таму но и искусни македонски научници кои ја прогласија МАНУ за Бит Пазар.

Академиците Камбовски и Таки Фити досега не одговорија на прашањата за скандалот со елиминација на професорот Драги Митревски од пленарно гласање упатени од истражувачкиот тим на expres.mk.

Повеќе детали за скандалот во МАНУ на овој ЛИНК

Најнови вести од: Македонија

Али Ахмети свика за утре седница на Централното претседателство на ДУИ – ќе се анализираат резултатите од изборите

Шефот на „интегративците“ утре ќе го прекине четиридневниот молк по дебаклот, што го доживеаја тој и неговата партија ДУИ и опозициската коалиција Национална алијанса за интеграција. Дали Ахмети и ДУИ ќе го прифатат и ќе го признаат поразот во првиот изборен круг?

Кандидатот на НАИ за градоначалник на Тетово Реџепи објави фотографија со Али Ахмети, „неколку дена по изборите“, пишува „Тетова сот“

Али Ахмети не се појавил лично во јавноста веќе четврти ден, откако заврши првиот круг на локалните избори кога ДУИ и нивната опозициска коалиција Национална алијанса за интеграција доживеаја дебакл.

Се отвораат нови линии – Договор со Обединетото Кралство за авио-сообраќај

Договорот за редовен воздушен сообраќај помеѓу Македонија и Велика Британија се потпиша на иницијатива на Велика Британија и претставува нова правна рамка со која се уредуваат односите во делот на редовниот воздушен сообраќај помеѓу двете земји.

(Фото): Дератизација, чистење и нов систем за собирање отпад – Општина Центар со вонреден еко-план

Општина Центар воведе вонредни мерки за справување со наталожениот смет и зголемената појава на глодари, најавувајќи итна дератизација, поставување нови пунктови за отпад и вклучување на сите општински служби во акција за чистење.

(Видео): Ќе има нови инвестиции и поддршка од Владата, кажа Мицкоски

Ние сме народна партија, партија која што треба да биде слуга на граѓаните на народот. Тоа значи дека нема одмор и треба да се работи секој ден во неделата бидејќи имаме многу да сработиме нема работно време, се почнува рано, се завршува доцна, секогаш треба градоначалникот да биде достапен, рече претседателот на ВМРО-ДПМНЕ, Христијан Мицкоски.

To top