Македонија

Трипуновски откри: Фирма од Струмица зела 20 милиони субвенции без да обработува ни декар

Министерот за земјоделство, шумарство и водостопанство, Цветан Трипуновски, во гостувањето на ТВ21 најави дека ќе има целосна одговорност за сите утврдени злоупотреби со државното земјоделско земјиште и стоковите резерви од минатото.

2 минути за читање
mk.tv21.tv

Министерот за земјоделство, шумарство и водостопанство, Цветан Трипуновски, во гостувањето на ТВ21 најави дека ќе има целосна одговорност за сите утврдени злоупотреби со државното земјоделско земјиште и стоковите резерви од минатото.

„Во изминатава година и половина, освен враќањето на македонското земјоделство во нормала, интензивно работиме и на откривање на злоупотреби. Јас лично поднесов повеќе од шест кривични пријави против поранешни функционери во Министерството. Станува збор за народни пари и секој случај мора да добие епилог“, порача Трипуновски.

Како еден од највпечатливите примери тој ја издвои струмичката фирма која склучила над 19 договори за државно земјиште:

„Управителот бил под 40 години, па бил ослободен од закупнина. Намерно понудил нереално висока цена за да ја елиминира конкуренцијата. На терен утврдивме дека земјиштето во најголем дел не се обработува, дел се давало под закуп на трети лица – спротивно на Законот – а фирмата земала над 20 милиони денари субвенции. Се обврзала на инвестиција од 2,5 милиони евра, а речиси ништо не реализирала.“

Втор случај е субјект со раскинат договор кој продолжил да користи земјиште и да зема субвенции, бидејќи надлежните не ги известиле Катастарот и Платежната агенција.

Министерот ги спомна и злоупотребите со стоковите резерви:

„Од опозиција алармиравме дека се случуваат нерегуларности. Сега гледаме дека се отпишани над 1.500 тони пченица и 500 тони јачмен. Очекувам Јавното обвинителство темелно да ја истражи постапката и да утврди одговорност.“

Трипуновски најави дека новата влада веќе ги промени правилата – стоковите резерви од оваа година се полнат исклучиво од домашно производство.

„Никој не смее да биде над законот. Ги охрабрувам обвинителството и судовите да постапат по сите пријави што ги поднесов и по случајот со резервите“, порача министерот.

Поврзани теми:

топ|Цветан Трипуновски|шумарство и водостопанство|министер за земјоделство|Фирма од Струмица

Повеќе на оваа тема:

Најнови вести од: Македонија

Ристески: Дигитализација и иновациите во производствените капацитети се неопходни за компаниите да опстанат и да бидат конкурентни на меѓународниот пазар

Годишната индустриска конференција „MANUFACTURING 2026 – Трансформација кон иновации“ е во организација на Македонското здружение на металната и електроиндустријата (MAMEI), Стопанската комора на Македонија и Европскиот дигитален иновациски хаб – ДигитМАК

Туристички бум во Турција: Рекордни приходи од туризмот од 51,3 милијарди долари во првите девет месеци од годинава

Вкупниот број посетители во Турција во наведениот период достигнал 49,1 милион. Руската Федерација со 5,70 милиони посетители, Германија со 5,17 милиони и Обединетото Кралство со 3,20 милиони посетители останаа трите најголеми туристички пазари за земјата.

Ѓуров и Јотова бараат примена на „Францускиот предлог“, што е негирање на македонскиот јазик и Македонците, кои во 1890 бараа од Цариград негова употреба!

На 29 октомври во завршната дебата на Бугарската национална телевизија пред одржувањето на вториот круг на претседателските избори во Бугарија на 1 ноември 2026 година Андреј Ѓуров и Илијана Јотова, двата кандидата за претседател на Бугарија, го повторуваат барањето да се внесат Бугарите во уставот на Македонија. Едновремено тие бараат и „целосна примена“ на злогласниот „француски предлог“ и „Вториот протокол“, со кои во најдиректна смисла официјална Софија бара Македонија „да признае и да прифати“ дека „македонскиот народ и јазик имаат бугарски корени“. Јотова уште сево ова го нарекува „европска политика. И Ѓуров и Јотова се во жесток судир со реалноста и со историјата. На 30 октомври 1890 година Македонците од Охрид испраќаат официјална молба до Високата порта во Цариград. Во оваа молба, македонските првенци експлицитно бараат дозвола за основање македонски училишта во Охрид и околината, во кои наставата ќе се изведува на македонски јазик. Ова е еден од најважните документирани јавни прогласи од XIX век каде што јасно се дефинира засебноста и автентичноста на македонскиот јазик, независно од пропагандите на соседните држави.

(Фото+Видео): Нова авиолинија Скопје-Тиват, наскоро директно од Скопје до црногорското приморје

Станува збор за реализација на договореното при неговата претходна посета на Подгорица, нагласувајќи дека новото авиоповрзување ќе има значење за зголемување на размената меѓу двете држави.

Пријавете се на работилницата на „Реплек“ со Марко Пејчиновски: „РЕсет за внатрешна сила. РЕсет за добросостојба“

Овие иницијативи се надополнување на бројните активности што компанијата континуирано ги реализира за своите вработени во рамките на платформата РЕсет, со цел поттикнување здрави животни навики, личен развој и целокупна добросостојба.

Мицкоски: Очекувам победа на ВМРО ДПМНЕ во Брвеница! Да се гласа не за етнички поделби, туку за подобар живот во Македонија!

Денеска ќе имаме завршно обраќање пред жителите на Брвеница. ВМРО-ДПМНЕ во секоја кампања влегува со цел да победи, така и во оваа кампања во Брвеница, во вториот круг. Во првиот круг имавме најмногу гласови, речиси 3000, очекуваме тој број на гласови да го зголемиме. Очекувам победа на ВМРО-ДПМНЕ и Коалицијата – изјави денеска премиерот и лидер на владејачката македонска партија Христијан Мицкоски одговарајќи на новинарско прашање во однос на вториот круг за избор на градоначалник на општина Брвеница.

Тачи: Албанските партии треба да се договорат за документ за целосна политичка и територијална автономија на Албанците во Македонија!

Лидерот на ДПА, Мендух Тачи, меѓу другото, во емисијата „Дијалог“ на медиумската платформа на „Лајм“  зборуваше и за „потребата од постигнување договор меѓу албанските партии за одобрување на документот за целосна политичка и територијална автономија“.
Сите вести од Македонија

Најнови вести

To top